絲打圍爐｜雪姨愛才華唔愛金自稱易𠱁易追 靚仔body最緊要：喺屋企照顧我啦

由楊詩敏（蝦頭）和連詩雅（Shiga）主持的網台節目《絲打圍爐》最新一集請到人氣KOL兼YouTuber雪姨（容可兒）做嘉賓，大爆擇偶條件。雪姨不單止有生意頭腦且投資有道，亦是陳凱琳的生意拍檔。她在2020年10月以950萬現金「一炮過」購入已故才女林燕妮位於北角寶馬山花園的故居，送給媽媽作養老安樂窩，早前更有傳雪姨斥資近3,000萬元，再買入北角半山豪宅寶馬臺連天台大宅，全層室內連天台接近2,400呎，相當厲害。

{{hket:inline-image name="snow.png"}}{{/hket:inline-image}}

{{hket:inline-image name="snow_600.png"}}{{/hket:inline-image}}

同場加映：原子鏸誕可愛混血BB視家庭為首 媽媽鄭佩佩身體變差見孫仔開心晒

{{hket:ul-video id="5100"}}{{/hket:ul-video}}

雪姨在節目中直言做生意是自己的興趣，「其實我個人冇乜特別興趣，我淨係鍾意做生意。」她憶述是6、7年前開始對做生意有興趣，又表示自己不是想搵錢而做生意，「我係真係鍾意做生意，鍾意做一啲人哋未做過嘅嘢，又或者係一啲做完會好型嘅事。」

之後Shiga問雪姨介不介意男朋友搵錢比她少，雪姨表示︰「總之係我鍾意就得啦，其實冇乜嘢，最緊要係佢自己搵到，佢能夠生活到，咁已經OK。（底線係唔可以你養佢？）係啊，佢一定要有獨立嘅能力。（如果佢介意？）佢追得我已經好有勇氣㗎啦，其實真係有勇氣㗎。」蝦頭同Shiga笑指因為雪姨真係好有錢，「除非個男人真係好勁。」雪姨解釋她指追她要有勇氣是因為要接受到二人的事情可能需要公開，另外是因為她的收入較浮動，做生意也有旺、淡季之分。

雪姨強調自己不介意另一半富有與否，亦不太追求物質：「例如自己買一個手袋，而家大概都係開心3至5秒左右，其實就冇乜感覺，都係一樣死物。」

{{hket:inline-image name="snow4.png"}}{{/hket:inline-image}}

雪姨指自己選擇的男朋友，一定要有才華，有某一個範疇專長值得她欣賞。雪姨理想型男生，最好是擅長彈琴、唱歌、畫畫。另外身高175cm，年紀比她小，25至26歲。Shiga表示藝術家通常收入不多，雪姨即刻說︰「或者係睇準佢嘅才華，不如我入股落佢間公司度，幫佢將間公司搞大佢！」兩位主持即時激動大叫︰「雪姨，我不想努力了！」蝦頭表示︰「我好想做佢男朋友。」雪姨直言︰「其實我哋呢啲真係好易𠱁好易追！」

蝦頭又問雪姨，如果一個男人好有錢但又肥又醜，另一個就外表滿分，但沒有錢，她會揀誰？雪姨即答︰「咁梗係要冇錢啦！冇錢都過啦，靚仔同body係最緊要啊！」雪姨表示就算對方住劏房都冇問題︰「如果佢真係住劏房，但係佢真係好靚仔，body好好，算啦！我租地方畀佢啦！我租埋畀佢！淨係幫我煮飯，唔使交租啦，喺屋企照顧我啦。」

{{hket:inline-image name="snow7.png"}}{{/hket:inline-image}}

雪姨指因為自己是在單親家庭長大，即使是拍拖也喜歡照顧別人，「even係簡單到屋企嘅水電煤，或者租，所有嘢都唔使煩心，等我嚟搞啦，我係會照顧晒，我鍾意做照顧者，仲好過畀錢留低個男人，令到佢生活上不能沒有你。」

又買樓｜雪姨北角半山2400呎豪宅曝光 豪擲3千萬：本年度最無悔嘅投資【下一頁】

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】