搶購潮 ︳市民憂封城超市搶購囤糧 罐頭凍肉等6類貨架清空

新冠肺炎第五波疫情持續升溫，今日（28日）新增逾3萬宗確診個案，不少市民擔心隨時「封城」，紛紛到超市搶購物資「囤糧」，包括即食麵、麵包、肉類、廁紙等，各區超市多個貨架和雪櫃都被搶購一空，有市民不禁形容：「好似打仗咁」、「以為世界末日」。

同場加映：

管家王丨50年舊樓變日式懷舊風家居 全屋櫃間房慳位修飾橫樑有計

{{hket:ul-video id="5348"}}{{/hket:ul-video}}

由於網上傳出政府隨時採取「封城」措施，全港各區掀起搶購潮，市民紛紛到超市或街市購買生活物資，有網民貼出大埔超市貨架被搶購一空的照片，形容「啱啱去超市，以為世界末日」。

有東涌和西灣河街坊在Facebook群組發帖，指該區超市同樣出現搶購潮，多個貨架被完全清空。從上傳照片可見，超市肉類、乾糧、蔬果、麵包、即食麵、罐頭食品、急凍食品、白米、廁紙等的貨架都被清空，收銀處則大排長龍。綜合各區市民拍攝情況，缺貨最嚴重的包括部分品牌即食麵、凍肉、雪藏雞翼、即食點心、麵包蛋糕、奶類食品、部分罐頭食品等。

{{hket:inline-image name="myiewrr.jpg"}}{{/hket:inline-image}}

↓ 點 擊 圖 片 放 大 ↓

網民：好似打仗咁

不少網民均形容區內有類似情況，無論超市、凍肉店均大排長龍，貨架空空如也：「好似打仗咁」、「凍肉店排長龍，雞翼、豬扒都開唔切」、「中午去超市，好多杯麵、公仔麵、雪藏食物、麵包都冇晒」、「今日仲多人買，好多人講封城禁足，要買多兩轉」、「我都啱啱行咗幾間超市，全部菜、肉、水果，就連麵包都冇得買，就算有只係得番幾盒，排隊畀錢最少要10分鐘！」、「廁紙得番3分1，抹手紙畀人掃晒，我嚇到買咗啲罐頭返屋企」。

{{hket:inline-image name="274744468_396854258917481_4698867628471368737_n.jpg"}}{{/hket:inline-image}}

↓ 點 擊 圖 片 放 大 ↓

網民：超市貨架清空 已經無乜人

另有網民表示，因經過市民一輪搶購，超市大部分貨架清空，故現時已經「冇乜人」，「剛入樓下超市冇乜人，因為超市好多貨已清空」、「我中午去過惠康、百佳都好少人，好多貨架都吉嘅」、「我今朝早大約10:00落到樓下間超市，諗住買1、2日嘅餸，點知落到去，蔬菜、凍肉、新鮮肉類嗰啲凍櫃全部吉晒，真係好誇張」。

↓ 點 擊 圖 片 放 大 ↓

網民籲理性囤糧

搶購潮遍全港，有網民則提醒大家，其實只需購買自己需要的分量即可：「不如各位執吓屋先至買，今日執廚房，搵到5罐吞拿魚、6樽意粉醬、6支豉油、20個淡奶，加其他嘢如罐頭粟米、麵等，原來雪櫃最入仲有10包芝士，暫時只需新鮮蔬菜。我諗唔買任何嘢都可生存2星期。利申：從冇囤過，只係買完唔記得咗。」

陳肇始：未排除實施「禁足令」

對於採取停工停市的禁足措施可能性，食物及衞生局長陳肇始今日（28日）早上在電台節目中表示，根據衞生防護中心評估，目前疫情未見頂，而從公共衛生角度，全民檢測越快完成越好，政府目前並無完全排除在此期間實施「禁足令」。

不過對於網上瘋傳、立法會正就「全城禁足7日」立法，立法會秘書處今日澄清，立法會及其委員會，沒有就相關事宜進行任何討論。

網傳周一停業 百佳澄清如常營業

對於網上流傳百佳停業的「內部消息」，百佳發聲明表示，近日發現有人於網上流傳錄音聲稱獲悉百佳內部資訊，全線分店將於下周一（3月7日）停業，令顧客人心惶惶，不知所措。百佳特此澄清，店舖如常營業，各員工亦會盡心為顧客服務，齊心抗疫。

搶糧潮 ︳港男憂封城開始囤糧，狂掃罐頭180個杯麵預一家四口食3個月，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀