視家傭為屋企人｜陳嘉寶呼籲大家善待工人姐姐 「我哋只係僱主 唔係人哋主人」

32歲的陳嘉寶（Anjaylia）在今年1月為丈夫黃頌祈（Epaphras）誕下第三個女兒，成功三年抱三位千金的Anjaylia亦宣布封肚。屋企有三個小朋友，Anjaylia亦都有請工人姐姐幫手照顧，佢仲視姐姐為屋企人。日前佢喺社交網同網友玩Q&A，就提起工人姐姐，仲呼籲大家要對佢哋好啲。

{{hket:inline-image name="274612796_507283174161393_9178830174829919254_n.jpg"}}{{/hket:inline-image}}

同場加映：Jeremy認個性沉實不及其他成員風趣 做貼地偶像喜見媽媽興奮炫耀

{{hket:ul-video id="5346"}}{{/hket:ul-video}}

Anjaylia表示工人姐姐對佢哋來講，就係屋企嘅一份子，所以從佢細都教小朋友，姐姐有兩個屋企，一個係菲律賓，另一個就係佢哋屋企，佢係屋企人，唔係淨係幫佢哋做嘢。佢指之前同家傭傾起，先知有好多姐姐會被僱主無良對待：「同姐姐前兩日食食吓飯傾起，佢話原來好多僱主如果唔滿意姐姐嘅表現，係會扣佢哋食物，等佢哋食唔飽來做懲罰嘅……而且，不可思議地，呢種情況唔係一個半個個別例子，係好多！另外會動手嘅僱主亦大有人在。」

聽到一啲僱主咁對工人姐姐，Anjaylia非常勞氣兼睇唔過眼，仲希望大家將心比己，善待家傭：「我想講，人哋都係人，離鄉別井來一個陌生地方都只係為咗頭家。我哋只係僱主，唔係人哋主人！將心比己，你返工做錯嘢，係唔係老細可以對你郁手郁腳？係咪可以倒咗你半盒飯要你飽住嚟做嘢？假設你識得有人咁樣對佢哋嘅姐姐，請勸阻！」

{{hket:inline-image name="269821839_499108121836029_1117155142581337544_n.jpg"}}{{/hket:inline-image}}

另外，Anjaylia都提到最近因疫情，唔少僱主都擔心姐姐放假出去會受感染，所以唔想佢哋出去。佢更解釋點解姐姐放假都會想出去嘅原因：「當然好多姐姐都係想唞氣同貪玩。但原來有更多姐姐決意要外出，係因為就算放假留喺屋企都會無意中被叫去幫手做好多嘢。呢度幫少少，嗰度幫少少，就冇咗日假！所以寧願落街坐公園食西北風都唔願意留喺屋企。」

Anjaylia亦提出折衷方法畀大家，「如果大家真係想姐姐留家，就算屋企冇一間房俾佢，都可以試吓提自己千祈唔好俾佢幫手（有時佢哋唔好意思唔幫），同時禁止小朋友搵姐姐玩。一齊加油！」

三年抱三丨陳嘉寶誕下第三胎再添女兒封肚 老公被「女」圍最享受？【下一頁】