香港商業電台叱咤903的節目主持人麻利(鄧慧妍)自我檢測初步確診感染新冠肺炎,佢喺社交平台上載快速自我檢測呈陽性嘅相片,又以長文詳細分享自己經驗,講述自己嘅心路歷程同埋治療方法,呼籲大家最緊要冷靜。
同場加映:張慧儀為保護心臟病養子做長氣媽 Hanson性格太單純:唔鼓勵拍拖
{{hket:ul-video id="5312"}}{{/hket:ul-video}}
{{hket:inline-image name="245348669_1024058411497600_1739513093773773233_n.jpg"}}{{/hket:inline-image}}
麻利指自己休息好多,強調休息對康復好重要,麻利表示自己冇打過針、選擇用中藥、冇食過panadol、有用調頻TimeWaver (整全療癒版微電頻率儀),而且病徵算明顯同好大幅度上落,佢詳細分享如下:
我比較認真對待每種病徵,有人覺得我好似好誇張,但喉嚨痛我唔會三隻字講完,我會以程度去評分,方便中醫理解狀況。
主題:【發冷、高燒】
我有病徵嗰一下係由零去到五十咁明顯,我不嬲留意自己身體,嗰個傍晚突然覺得啲骨好散,少少頭痛。本來諗住响街行多半小時順便車我老豆返屋企,但突然間覺得,唔係喎,呢排我已經冇返屋企食飯、又冇見薯仔,呢刻無啦啦車佢,一陣有事咪XX。所以都係叫佢自己返屋企。真係好好彩。
晚上就精彩啦,好醒目十一點鐘上床瞓,跟住嚴重發冷,最正係房有暖風機,但凍到傻咗冇伸手去開機。發冷四小時轉為發高燒,當時未有探熱針,估計都好高溫,有諗過會唔會因此燒到變蠢。全身好痛,典型重感冒會有嘅皮膚、頭皮赤痛,非常之敏感地痛。又有另一個好彩係我買咗TimeWaver Home,突然間醒起,爬出房攞咗即刻run一下frequency,我想瞓得到咋唔係要即刻康復。好不容易捱到天光。
打畀中醫斷症。因為我知道發燒係有功能,所以冇打算迫自己即刻要退燒(詳情請看【工作細胞:流行性感冒】)攞到探熱針之後,體溫徘徊38.5左右。我中醫已經做咗好多case經驗豐富,個病啲起起落落大家大同小異。印象中人生有幾次重感冒都係咁辛苦。呢日冇記憶,冇食過嘢亦冇興趣、冇需要食。全日响張床度,冇沖涼冇洗面冇郁過。長期接力用timewaver home以及用醫療級吸氫氣機,有效快速放鬆瞓覺同埋減低嗰種感冒式頭痛。
主題:【發燒、冇胃口】
繼續低燒,頭痛、周身骨痛、皮膚痛。味覺得番苦味,但由於苦茶都好苦所以冇分別。唯一係好想食士多啤梨!仲有檸檬、橙等等,唔知點解。老母買來了熊本縣士多啤梨,我屋企有煉奶。味覺上係有層苦,但依然好味。一盤分兩次食(全日只係食咗呢個)夜晚突然有精神去沖涼好開心。
主題:【發燒、退燒、低燒、喉嚨痛】
一瞓醒全身汗,喉嚨超級痛。退燒就出到汗。但亦因為退燒,我都估到今日快速測試應該顯示positive(個個都係咁講)連日嚟成日俾人追問檢測結果,我覺得大家唔好迷戀一個檢測答案。有病嘅人要自己坦白面對身體有唔妥,而唔係望住一條線兩條線嚟決定做乜。仲有。就算你positive,醫生都係斷症下藥(in my case it’s 中醫)點發熱、點發冷、點痛,全部都有關,但同你「被法定乜乜機構話你陽性定陰性」無關。come on,醫病係醫個人唔係醫兩條線。不過仲有人夠膽叫我出街檢測。我喎!燒梗啦喎!行走中的Omicron啦喎!仲出街?自問冇力揸車,即係走去坐車?咁我點確保我冇傳染俾人嘅危險?去到呢度我覺得呢個病贏係贏在個腦。
輸?輸在冇人肯用下腦。但我知,好多公司要求員工有官方證明確診先會唔扣假之類,搞到人人急住出街抵住病要排隊檢測,否則又話你曠工,呢啲公司、呢啲話事人,同香港一樣!病到忽咗!醒未呀大家!我亦都知道好多人唔留屋企係驚搞到屋企人。其實要互相幫助、互相教育,知道「病毒」係一個咩概念。另外我又諗,如果你要强檢感冒,香港長期有大量人口處於感冒狀態㗎,呢刻我甚至反省點解要歌頌「病都返工」嘅同事?每種感冒都係病毒嚟,有病應該好返先出街係常識。原來係常識。病毒同細菌係兩件事,唔知到今日有幾多人分得清呢?
- {{hket:inline-image name="5cff4021-09e9-4750-ac07-612590b22182.jpg"}}{{/hket:inline-image}}
- {{hket:inline-image name="274377246_690601889017015_5788873338464282701_n.jpg"}}{{/hket:inline-image}}
- {{hket:inline-image name="274227271_1085381999043286_362274897541739925_n.jpg"}}{{/hket:inline-image}}
- {{hket:inline-image name="274241576_1265403297284080_4756117774776831068_n.jpg"}}{{/hket:inline-image}}
- {{hket:inline-image name="274301627_637225490894244_2840887925044672509_n.jpg"}}{{/hket:inline-image}}
- {{hket:inline-image name="274359116_3279843582247569_7409236732580133606_n.jpg"}}{{/hket:inline-image}}
- {{hket:inline-image name="274296550_1013203096211880_7202685206614338930_n.jpg"}}{{/hket:inline-image}}
- {{hket:inline-image name="274486504_921392411895423_5064923479536499030_n.jpg"}}{{/hket:inline-image}}
主題:【好多痰、喉嚨痛】
依然喉嚨痛得好緊要!
平時重感冒喉嚨痛係火燒感覺,但Omicron嘅喉嚨痛係你喉嚨畀𠝹刀𠝹傷咗咁痛,每吞一次口水就翻𠝹一次。係刀傷鋒利劇痛。
終於有想食嘢嘅衝動,但只係衝動,因為好易攰。因為病毒品性濕寒,萬萬不能亂食嘢。例如餃子如果係白菜豬肉,有白菜死梗。我媽居然揾到韓國青瓜豬肉餃。但好難食🥲所以我都係煮快熟通心粉。下午又係瞓覺,嗰種一挨落床舒服即刻飄走嘅感覺相當良好。
半夢半醒之間我問Omicron其實你邊度嚟㗎?畫面係洛杉磯Santa Monica山火,我再問,呢個夜晚山火畫面係L.A.定澳洲?答案都係L.A.。莫名悲傷感覺,一定係本來有好多嘢住咗响自己棲息地,你冇燒到人渣都冇,佢唔使轉移或變種。蝴蝶效應不難理解吧。瞓醒覺再查下L.A.山火啲資料,諗起無數樹林、動物避無可避,樹林係地球個肺嚟㗎喎。唔好問點解嗰邊山火呢邊疫情,地球係一個波,任何人做任何嘢都係集體意識一部分,要你食番啲都冇計。
主題:【好多痰、咳】
暫時仲有病徵所以尚且唔浪費快速測試套裝。有胃口但不見得有咩想食。我中醫話佢有同行喺博覽館幫手但中招,中咗之後,作為中醫冇得揀用番中藥,然後食飯係派咖喱雞或牛?呢啲又多汁、辣、油淋淋嘅食物食到所有人咳到X街又久病不好。我想知邊個高手負責安排呢啲嘢,有冇少少良心?病人喎?新冠喎?食咖喱?再一次感受到醫呢個病係用智慧,唔好講其他嘢。
我趁有精神消毒咗屋企,我知暫時消完毒又會畀本人污染。但我feel better抹乾淨啲嘢一次。然後又上床休息,兩邊鼻都全塞,咳到傻咗,用咗TimeWaver “breath of life”,即刻呼吸到同埋個人放鬆番,冇再咳,瞓到覺。
應付Omicron需要嘅係冷靜,
停止獵巫、Focus on自己同身邊人,
唔一定要食好多嘢、聆聽自己需要,
瞓覺、瞓覺、瞓覺、
熱檸檬水,
維他命B/C/D/Zinc
《晴報》向商台查詢,發言人回應指:「本台主持麻利亞初步確診,最後上班日期為2月14日,工作期間均有佩戴口罩。為安全起見及專業醫生意見,本台已經即時安排清潔和消毒有關工作地點,相關節目的同事,由事發起七天進行自我家居隔離,每天盡量進行快速檢測,並且匯報檢測結果給公司,以麻利亞最後上班日期起計七天,即2月20日,只要《口水多過浪花》之團隊完成快速測試為陰性,已屬安全,2月21日便可如常上班。」
圖片來源:Instagram
撰文:黃蘊姿
-
15款洗衣產品比拼︱《LDK》評測2024最新熱賣洗衣產品 推薦7款A級强力去污除臭 1款效能佳性價比最高 |
|
-
癌症殺手|男子指甲生黑點揭患黑色素瘤需截趾 醫生:2大異樣及早求醫 |
|
-
舊病復發|62歲前「亞視一哥」舊病復發嚴重時路都行唔到 養病月餘勸世:要珍惜健康 |
|
-
抗癌勇士丨42歲知名女歌手證患舌癌三期 自曝病因竟與蛀牙有關 |
|
-
食用安全|日本知名高級甜品店被爆竄改賞味期限 200份過期朱古力延期數月重賣 |
|
-
食道癌|打邊爐愛喝2種飲品 專家警告增食道癌風險 戒3習慣罹癌率降8成【附食道癌8大初期症狀】 |
|
-
保單逆按自製長糧 | 充裕退休儲備 + 保障家人GET!(附個案說明) |
|
-
-
-
胸悶、頭脹、手腳麻痺?黃祥興不靠藥物 1個月拆走血管炸彈 重拾醒神健康 |
|
-
私密處痕癢、灼痛、異味來襲 Grace教路:每日1粒解決「私密」問題 |
|
-
-
唔止面黃 生痘痘 長期攰都可能肝損傷 黃祥興逆轉肝機能 慶幸及早護肝 |
|
-
您也可能喜歡...
-
失憶【諒解】備忘鹿│彭秀慧經歷多番生死笑看離別 與好姊妹容祖兒講定喪禮安排
|
-
朱凱婷專業司儀20年無懼後浪湧現 親力親為湊女成幸福甜蜜負擔
|
-
黃翠如三妹亮相港台樸素有氣質 黃麗茵廚師變製作人推本土食材
|
-
聲夢傳奇丨詹天文遊美後坐高鐵上廣州開學 回歸樸實造型慘遭「攻擊」曬「傷勢」
|
-
余思敏殘爆現身「有線之花」飯局 鄭中基割席經理人後「潛水」一個月
|
-
愛回家《申叔》丨李海生因細菌感染病逝終年83歲 詠春高手去年離巢服務40年TVB娘家
|
-
孫美賢重開IG發長聲明承認婚外情 與丈夫和好 列9點反擊鄭梓浩前女友
|
商台DJ麻利感染新冠喉嚨如刀割 瘋狂休息用中藥吸醫療級氫氣機 - 晴報 - 娛樂 - 中港台 - D220221
商台DJ麻利感染新冠喉嚨如刀割 瘋狂休息用中藥吸醫療級氫氣機 - 晴報 - 娛樂 - 中港台
香港商業電台叱咤903的節目主持人麻利(鄧慧妍)自我檢測初步確診感染新冠肺炎,佢喺社交平台上載快速自我檢測呈陽性嘅相片,又以長文詳細分享自己經驗,講述自己嘅心路歷程同埋治療方法,呼籲大家最緊要冷靜。
https%3A%2F%2Fskypost.hk%2Farticle%2F3184261%2F%E5%95%86%E5%8F%B0DJ%E9%BA%BB%E5%88%A9%E6%84%9F%E6%9F%93%E6%96%B0%E5%86%A0%E5%96%89%E5%9A%A8%E5%A6%82%E5%88%80%E5%89%B2%20%E7%98%8B%E7%8B%82%E4%BC%91%E6%81%AF%E7%94%A8%E4%B8%AD%E8%97%A5%E5%90%B8%E9%86%AB%E7%99%82%E7%B4%9A%E6%B0%AB%E6%B0%A3%E6%A9%9F
https://skypost.hk/article/3184261/商台DJ麻利感染新冠喉嚨如刀割-瘋狂休息用中藥吸醫療級氫氣機
https://resource01-proxy.ulifestyle.com.hk/res/v3/image/content/3180000/3184261/e76c463f-157b-4c29-b6d6-9832c0acf389_1024.jpg
https://resource01-proxy.ulifestyle.com.hk/res/v3/image/content/3180000/3184261/
娛樂
中港台
514
3184261
514
514002001
娛樂 中港台
DJ,新冠肺炎疫情,新冠肺炎,喉嚨痛,發燒,商業電台
娛樂,娛樂人物職業,DJ,實體詞,時事事件,新冠肺炎疫情,實體詞,疾病/痛症/損傷/病徵,新冠肺炎,實體詞,疾病/痛症/損傷/病徵,喉嚨痛,實體詞,疾病/痛症/損傷/病徵,發燒,實體詞,品牌,商業電台
麻利
感冒 工作 中醫 麻利 山火 屋企 喉嚨痛 中藥 節目 病徵 香港 主題 地球 麻利亞 陽性 感覺 需要 公司 病毒 日期 測試 檸檬 口水 新冠肺炎 喉嚨 社交平台 小時 維他命 探熱針 白菜
2022-02-21
商台DJ麻利感染新冠喉嚨如刀割-瘋狂休息用中藥吸醫療級氫氣機