70歲洪金寶弗爆孖孫仔拜年 體重曾高達250磅為健康減肥

現年70歲嘅武打巨星洪金寶近年好少喺幕前出現，弄孫為樂。不過今個農曆新年佢就孖兩個寶貝孫仔同大家拜年，見到佢精神奕奕，仲清減咗唔少。

同場加映：閃電傳真機丨張沅薇趁兩個仔長大復出幕前 常被認出最愛聽到：細細個就睇你

{{hket:ul-video id="5201"}}{{/hket:ul-video}}

{{hket:inline-image name="2026059_1.jpg"}}{{/hket:inline-image}}

日前洪天明於抖音上載咗爸爸洪金寶同一對囝囝嘅賀年短片，洪金寶中氣十足講賀詞：「祝大家虎虎生威！百毒不侵！萬事如意。」兩個孫仔隨即跟著說：「新年快樂！身體健康！恭喜發財！」爺孫三人都係坐喺度，洪金寶雖然仲係有一個大肚腩，但手腳同面明顯瘦咗好多。唔少人都留言表示認唔到大哥，因為佢兩鬢斑白又清減咗唔少，聽到佢咁有中氣嘅招牌聲線就知佢身體唔差！

幾年前有網民影到洪金寶坐電動輪椅到街市買餸，惹起唔少揣測，擔心佢健康出大問題。原來洪金寶5年前因舊患發作要接受膝蓋手術，並按醫生吩咐減磅40磅，為怕膝頭負荷過重，平日多數以輪椅代步，如果出席重要場合，就會改用拐杖。唔少網民睇到都覺得不勝唏噓，大哥為咗拍電影犧牲咗自己嘅健康。

撰文：黃蘊姿