Part Time主人︳周家怡被狗仔Cotton「黐」出感情 撫平愛貓離世之痛 重燃養寵物之心

周家怡於2017年1月送別愛貓Crystal後，一度傷心得不想再養寵物，想不到同年8月到訪朋友Kat的屋企，被對方飼養的白色松鼠狗Cotton所融化，內心傷痛得以消減，繼而開始當起「Part Time主人」，久不久帶Cotton回家Staycation。至今人狗相處了5年有多，已經建立起深厚感情，Cotton成為周家一份子，深得大家的愛錫，家怡亦已放下心理障礙，坦言日後有緣會再養寵物，皆因有很多動物需要人照顧；她也表明支持領養不棄養，不會到寵物店購買寵物。

同場加映：聲夢傳奇丨After Class四小花畫老虎應節 炎明熹難忘鄉下放炮仗 姚焯菲最愛食

{{hket:ul-video id="5208"}}{{/hket:ul-video}}

{{hket:inline-image name="179839107_264939011990227_1657601171388542134_n.jpg"}}{{/hket:inline-image}}

{{hket:inline-image name="CHAU1011.jpeg"}}{{/hket:inline-image}}

家怡很記得跟Cotton第一次見面時，已感覺到彼此間很有緣分，「有個朋友帶我去佢主人Kat屋企玩，Cotton嗰次第一次見我已經好黐我，呢啲可以講係緣分，成日會走埋嚟坐喺我度。我感覺係好得意，因為以前養過兩隻貓，佢哋走咗之後就一路無再養寵物；直至認識到Cotton，好耐冇試過有寵物黐過嚟，佢畀我感覺係好鍾意，所以間唔中會上去玩，大家就建立咗感情。」

【戒酒戒夜瞓】周家怡大膽請周潤發「食檸檬」 自爆茹素是因為一隻鴨？【下一頁】

Cotton的主人很樂意讓牠到其他朋友家Staycation，加上平日管教得宜，去到別人屋企時都很守規矩，不會隨處便溺。但凡事總會有例外，家怡大爆Cotton首次去她屋企的尷尬趣事，「可能佢覺得未同我係好熟，當時喺車影張自拍相，佢就喺度尷尬笑。而我媽咪係有少少驚狗，好驚Cotton嚟到隨處大小二便，講到湊佢返嚟就過去婆婆屋企住幾日，但最好笑係佢哋而家勁鍾意Cotton。記得第一日帶返屋企，Cotton一入屋就跳上爹哋媽咪大髀，仲不停咁挨嚟挨去，爹哋搞笑話佢：『你係邊個，我哋唔識你喎，乜好似咁熟呀。』就係咁，佢哋就畀Cotton俘虜咗。」

{{hket:inline-image name="CHAU1009.jpeg"}}{{/hket:inline-image}}

{{hket:inline-image name="CHAU1007.jpeg"}}{{/hket:inline-image}}

【40歲又如何】周家怡男仔頭 享受單身靠自己 曾拍TVB劇被鬧爆感恩有人點醒【下一頁】

至於Cotton的𤓓爆瘀事，就是在家怡客廳瞓到濛濛鬆鬆起身去廁所，就咁行去廚房的地毯痾尿，但其實牠專屬的尿墊是放在廁所，「佢痾完先發覺去錯地方，個樣係勁內疚，其實佢主人屋企張尿墊先至擺喺廚房。跟住佢去番廁所坐喺尿墊上，好似想話畀我聽，佢知呢度先係，頭先唔小心去錯地方，你係睇到佢潛台詞解釋晒出嚟。」她指Cotton主人管教得好好，平時會睇好多影片再教狗狗，因此Cotton性格乖巧，性格十足一個人仔又是表情王；而且平時溝通不用特別指令，例如出街前叫Cotton先去一次廁所，牠都懂得。不過她就指Cotton很怕人扮BB聲叫牠，追問會否怕傷心不再養寵物，家怡坦言：「最初有怕傷心，有唔再養寵物嘅心態，同以前隻貓Crystal相處咗好多年，佢已經變成家人，當時走咗係好傷心，成家人冇諗過再養。其實呢個想法慢慢淡化，因為同Cotton相處幾年，又知道好多動物真係好需要人照顧，如果有一日再養，相信我哋會收養，唔會去寵物店買，不過都要睇緣分嘅。」

（↓點擊放大睇圖片↓）

此外，提到去年無綫台慶劇《星空下的仁醫》播完後，暫時未有新作品出街，家怡開心透露：「今年陸續會有新戲出街，《閃避球》、《出租家人》同《金手指》之外，仲有齣ViuTV劇集《反起跑線聯盟》，好期待到時同大家見面。（同林保怡不時見面，是否傾新合作？）同Bowie已經係好好嘅朋友，所以大家成日會見，咁一定再有機會合作，佢係一個好正嘅演員，好想同佢再拍劇，呢個指日可待。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}