熙娣想聊︳小S自爆與51歲老公3年冇性生活 老夫老妻結婚16年：現在直接……

現年43歲嘅台灣女星小S（徐熙娣）主持全新清談節目《熙娣想聊》，一如以往作風，知無不言，言無不盡，集集都有料爆。早前佢搵到47歲女星賈靜雯暢談夫妻生活。

同場加映：IT狗丨Lokman顛覆IT界毒男形象照鬥廢 笑對與Frankie Stanley被列「下弦」

{{hket:ul-video id="5064"}}{{/hket:ul-video}}

小S一嚟就單刀直入，問到賈靜雯同細佢9歲嘅老公修杰楷相處狀況，小S咁好奇係因為自己老公Mike大佢8歲。賈靜雯就講到修杰楷體力確係好，喺佢攰嘅時候仲可以幫手湊小朋友，小S就大爆老公幫手拎行李時扭到腰，從此以後仲驚咗彎腰拎嘢，佢話老公成日去做gym都係白去。賈靜雯想搭嘴時，小S順口爆埋自己閨房事，「而且我們已經3年都……」了解佢嘅賈靜雯即時打斷說話，「沒有人要聽你3年之類的。」

{{hket:inline-image name="47249353_302824320565346_161174380255810919_n.jpg"}}{{/hket:inline-image}}

不過小S就好想繼續呢個話題，補充指而家同結婚16年嘅Mike就好似老夫老妻，以前出門都會講「Baby親一下」，而家都戒埋，之後問到賈靜雯同老公仲有冇呢啲甜蜜舉動，賈靜雯話：「出門親一下是沒有啦，但我們還是會有……」小S立即接著說「性行為」，賈靜雯少少尷尬，笑住講︰「該有的還是會有……」小S驚訝問：「你們還有！你們結婚多久了？」知道二人已經結婚7年後，又追問現時賈靜雯同老公「肢體接觸」時仲有冇「感覺」，賈靜雯顧左右而言他，「在我悲傷時，老公拍拍我，叫我不用擔心，這個時候……老公好性感。還有夏天時老公穿背心，那粗壯手臂……令我心動。」

最後，小S幻想賈靜雯同老公嘅「互動」，對比起自己現時嘅生活，顯得好平淡，「我們2個好像在養老院！」，甚至衝口而出說著性笑話，「現在就直接開抽屜拿我需要的東西……」賈靜雯聽到好怕醜，低頭係咁笑，又話以小S性格，唔相信佢會過咗3年無性生活。

圖片來源：Instagram

撰文：黃蘊姿