闔家辣︳吳君如着Aerobic舞衣激曬事業線 Edan鄭中基梁詠琪睇到…

由吳君如、呂爵安（Edan@Mirror）、鄭中基及梁詠琪等合演的賀歲片《闔家辣》定於大年初一（2月1日）放映，但近日本地出現第五波疫情，令有關電影宣傳活動被迫取消。前日（9日）君如同Edan就改為網上做Live宣傳，同網友互動，並於街頭快閃簽海報，但仍有粉絲極速趕至，成功獲得偶像簽名海報作珍藏。

{{hket:inline-image name="01102002.jpg"}}{{/hket:inline-image}}

{{hket:inline-image name="IMG_0445_1024.jpg"}}{{/hket:inline-image}}

同場加映：IT狗丨Lokman顛覆IT界毒男形象照鬥廢 笑對與Frankie Stanley被列「下弦」

{{hket:ul-video id="5064"}}{{/hket:ul-video}}

《闔家辣》宣傳工作亦未有停下來，最新就發放飾演Edan姑媽的君如，在電影中入住駿洋邨隔離中心的花絮影片，題材可謂相當貼地。劇情講君如入住駿洋邨，同Edan、鄭中基及梁詠琪進行視像對話，而君如就着住1980年代、珍芳達款式Aerobic裝束，不時彎身向前跳Aerobics（健美操），大騷事業線同大肚腩，又做一字馬，睇到大家嘩聲四起，Edan同中基陰陰嘴笑，神情相當蠱惑，不知現場是否忍唔住頻頻NG！Edan做戲講對白：「姑媽，你咁樣都叫staycation？」君如又彎身答：「好鬼多嘢食呢度，room service多過自助餐，1日3餐，14日42餐！」

據知君如這個引人注目的造型，事前幕後團隊花了不少心思去準備，在特技化妝配合下，不單止造型突出，就連隔離期間的指定動作—深喉檢測也做足，務求將隔離的苦中作樂，生活化的呈現給觀眾眼前。不過，相比君如於2014年在《金雞SSS》的38G巨胸造型，今次可謂小巫見大巫。

賀歲片︳呂爵安《闔家辣》造型海報被爵屎撕走收藏 吳君如：要搣我張海報先有戲飛送【下一頁】

由於第五波疫情爆發，港府收緊社交距離措施，戲院由上周五（7日）關閉至少14日，令市民今個農曆年睇賀歲片的機會存在變數，君如在IG分享今次花絮片段外，更留言希望大家暫時「規規矩矩」，這樣才有機會令戲院重開，「喺呢個嚴峻時刻，希望大家暫停生日會、party、跳舞之類嘅活動，《闔家辣》真心想同大家一齊辣都變甜，過一個開開心心、平平安安嘅農曆新年！」

（↓點擊放大睇圖片↓）

Edan亦上載自己單人的電影海報，集氣希望大家大年初一可以入場欣賞電影，「我都post番張由我飾演Coba嘅單人海報啦！希望可以如期大年初一入戲院睇《闔家辣》啦！」梁詠琪於網上也表示：「疫情來襲，大家要小心身體！集氣集氣，希望新年疫情好轉，大家可以去戲院睇睇我哋一家喺屋企嘅抗疫故事，新年笑餐飽！約定你哋戲院見。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}