與時並進︳黎明重新灌錄舊作《夏日傾情》 「防止大家再聽震音老土版」

四大天王之一的黎明（Leon）出道36年，近年作出不少新嘗試，以「明福俠」身分出現外，又先後跟麥浚龍及張敬軒，分別推出歌曲《忘記和記》及《Old fashioned》。黎明今日（6日）在facebook宣布再有新搞作，就是重新灌錄1993年舊作《夏日傾情》，原因舊版本太多震音，他自己聽番也無法忍受，自嘲是「震音老土版」，並同時重新製作《越夜越有機》及《戀愛者聯盟》，一次過送驚喜給粉絲。

{{hket:inline-image name="1024_8a23b12a57ced2374ee478947d25080csaasftp20200221.jpg"}}{{/hket:inline-image}}

{{hket:inline-image name="01061002.jpg"}}{{/hket:inline-image}}

同場加映：【叱咤後台訪問】Anson Lo@MIRROR直言被林海峰嚇親 張敬軒票數輸姜濤心服口服

{{hket:ul-video id="5021"}}{{/hket:ul-video}}

黎明今次重新灌錄的《夏日傾情》，是1993年他推出的作品，當年橫掃本地樂壇不少獎項。黎明在網上表示：「《夏日傾情》一曲是我初出道冇幾耐錄的一首歌，其實自己都很久沒有聽過，因為有機會開演唱會，在綵排時唱或在演唱會唱，因為自己都熟，所以冇需要攞番當年嘅CD版嚟聽，但喺舊年有一次坐人哋車，（嗰）個人突然播出《夏日傾情》當年版，我一聽之下，即刻醒悟，甚麼叫做『力拔山兮氣蓋世』，唉，聽番當日自己唱的版本，真係震過貓王，不停震，句句尾個隻字都震，我意思係啲震音～～講真一聽番連我自己都無法忍受，令我恍然大悟，鍾意聽呢首歌嘅朋友，我辛苦了你們的支持，真係要講句，對不起我愛你，為咗防止大家唔覺意再聽番當年的震音老土版，我覺得自己馬上需要重新錄製此曲。」

黎明預告同6位英文字母組合合作 Mirror粉絲自動入座起哄：好期待【下一頁】

黎明透露這次是經過重重困難去申請版權，幸好最終如願重錄，認為做人畢竟要與時並進，「當年情可以存在，但必須面對已經過時，所以重新唱過，但只錄一首，又好似好無謂，所以重新錄多首《越夜越有機》，將編曲入邊嘅槍聲也拎走埋，等首歌可以帶點和平氣氛，講完啦，係咁先，下次再講啦。鍾意定唔鍾意，對得住自己咪鍾意，又冇對唔住人。」他指今次只有3首歌重新唱，並於今日1月6日上載到音樂平台供大家細聽。

（↓點擊放大睇圖片↓）

網民於AMusic官方頻道內聽完2022年版本《夏日傾情》後，分別在內留言：「感覺清新咗，不論編曲，演繹上都帶畀樂迷很不一樣嘅感覺！十分欣賞Leon不斷求變，求新嘅工作態度！」、「多咗一份成熟同穩重嘅感覺」、「聽足三十年，依然咁好聽」、「真係好正，同紅酒一樣唔同時間開唔同時間飲有唔同層次」、「把聲溫柔咗清新咗，聽得好舒服」、「好正，Sweet到爆，爸爸feel呀」及「冇晒震音，真係好聽好多，與時間並進嘅歌唱技巧」、「你話舊時唱得唔好，你寸我哋呀？話我耳朵有問題啫！我聽到餅帶殘晒㗎！我話好就好，你耳朵而家先有問題呀！」「就算當年震過貓王都無問題呀，興吖嘛」及「呢碟冷飯炒得真香！」等。

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}