Fing頭Mi遇上斯文黎｜被鄭秀文爆好「飄」突然終止合作 黎明認成日講嘢斷片：生活係咁

黎明（Leon）昨晚（11日）紅館個唱請來鄭秀文（Sammi）擔任表演嘉賓，Sammi在台上大爆Leon秘聞，笑他不知何時開始個人好「飄」又迷離，指他幾年前話幫自己拍MV，怎料突然話唔得閒。不過最正是他們合唱《信者得愛》時，Leon圍住Sammi郁手郁腳跳舞，引得全場尖叫外，Sammi事後更在IG連環出Post，話舞王郭富城見到會雙腿發軟；而她自己在台上就忍唔住狂笑，封這晚同台表演是「Fing頭Mi遇上斯文黎」。

{{hket:inline-image name="K527A4937.jpg"}}{{/hket:inline-image}}

{{hket:inline-image name="KIMG_5476.JPG"}}{{/hket:inline-image}}

黎明疫情下成首位天王紅館開騷 門票一律880 不設山頂的朋友【下一頁】

Leon紅館個唱昨晚舉行第二場，請來好友Sammi擔任表演嘉賓。二人唱歌前分享「出汗」心得，Leon話：「Sammi，你做運動Keep Fit好勤力，我見你流好多汗。咁你知唔知我點Keep Fit？（你有Keep過Fit咩？）有。（係喎，Fit咗喎！）我係用日本風呂式。（即係點？）首先開個Bath。（除唔除衫？）除衫，然後浸落去，諗住自己喺日本，聽風呂音樂浸20分鐘；起身著返件浴袍，房入面開28度冷氣，食碗辣麵，坐15分鐘。成身流晒汗，肯定冇咗3至4磅。（包你流埋鼻血添呀！）唔會啩？（每個程序都咁熱辣辣。）」Sammi笑言Leon提到浴缸同除衫時，令人好有畫面。

Sammi又忍不住爆料：「我要爆黎明少少嘢，佢唔知由幾時開始個人好飄，好迷離。幾年前佢打電話畀我，話想幫我監製一首歌。我心諗：『乜你識監製歌嘅咩？』，心裡滿是疑問，不過見你係黎明就好啦！然後你搵咗你老友、都係我老友阿Mark（雷頌德）幫我寫咗首歌《犀利》，我記得你仲話要幫我拍MV，於是我上網查吓你拍過咩MV。點知有一日，你又話我知你唔得閒，唔幫我拍MV啦！嘩，乜你咁飄㗎？你啲節奏好難跟呀！」Leon緊接回答：「我知我成日講嘢斷片，生活都係咁。（啲人話生咗仔會冇記性。）又唔係我去生。（生女可能會好啲。）可能係，哈哈哈！」

超平凡人的主題曲丨黎明「今時唔同往日」審慎理財 為愛女愉快成長:家人比一切重要【下一頁】

二人之後合唱Sammi的《信者得愛》，Leon隨即從工作人員手上接過黑超，在Sammi面前跳舞，令她不禁大叫：「嘩，黎明跳舞！」Leon還越跳越High，一度用Pat Pat對住Sammi；之後更負責唱Rap的部分，令Sammi和全場觀眾起哄尖叫，成為這晚演唱會其中一個高潮位。

（↓點擊放大睇圖片↓）

演唱會結束後，Sammi漏夜在IG連環出Post。可能因Leon跳舞太大震撼，Sammi先表示：「Mi的《信者得愛》成功打開了Leon的……腿和腳，黎生跳舞！好狂野，城城（郭富城）見到應該會雙腿發軟怯一怯。I'm just kidding la（我只是在開玩笑）！城城是the best舞王。Mi在台上忍唔住狂笑，Leon跳舞，Mi唱歌。哈哈！今晚好好玩。 #Mi今晚成功打開了黎生的腿 #信者得愛的魔力 #Mi的演唱會癮出來了 #看來我要快快想concert的事 #瘋狂Mi遇上斯文黎 #黎樹根朱金梅合體 #黎生比（畀）Mi搞到興烚烚瘋狂起舞 #支持好可愛的黎生」 

她相隔2小時再出Post話：「Mi實在忍唔住笑。 #Fing頭Mi遇上斯文黎 #點知Mi冇fing頭但黎生high咗 #Mi應該同黎生做一首合唱快歌 #一起表演好開心，回憶返哂嚟。」

撰文：梁榮達

同場加映：黎明演唱會第二場又Rap又跳舞 嚇窒嘉賓鄭秀文：你個人好飄

{{hket:ul-video id="3545"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】