食用安全︳港男用顯微鏡放大未煲過溪水 揭藏多種活躍微生物驚見變形蟲

不少人郊遊途經溪澗時，都可能會用山水洗手，惟此舉恐把寄生蟲吞落肚。一名自稱微生物愛好者的港男在網上發帖，指自己早前在溪澗提取溪水，再利用顯微鏡放大溪水中的微生物，意外發現有多種微生物，當中包括變形蟲、草履蟲及棘尾蟲等。他又提醒大眾，切勿飲用山水或用作洗手，「點解要用污糟過自己隻手嘅水嚟洗手？」

同場加映︰言語治療︳搭小巴驚嗌落車、說話緊張出汗 兒時懶理成年恐社交焦慮成「怪人」︳拆解3大常見發聲問題

{{hket:ul-video id="4963"}}{{/hket:ul-video}}

一名港男周日（26日）在網上討論區「連登」以「你有冇常識㗎，飲冇煲過嘅溪水。睇吓飲咗幾多微生物落肚」為題發帖，分享自己在溪澗提取溪水微生物的結果。他表示，就算表面看似清徹的溪水，裡面也會存在各種生物。

事主先分享自己在水中找到變形蟲（Amoeba），指一般在郊區或其他污水如泳池中，都有很大機會能夠找得到。雖然變形蟲種類成千上萬，然而大部分都不會危及人類健康，惟飲用受污染的水可能會感染少數致病變形蟲的風險。對此，他提醒切勿飲用無清潔的溪水。

（↓點擊圖片放大↓） 

而另一種微生物是草履蟲（Paramecium），他表示草履蟲的數目非常多，牠們喜歡聚集在氧氣較多的地方，而且繁殖速度極快，

「之前試過拎咗啲水返去，明明一開頭得好少，兩日之後變咗成缸水都係。久而久之開始覺得呢種微生物好煩。」

（↓點擊圖片放大↓） 

另外一種是棘尾蟲（Stylonychia)，他指棘尾蟲身體內有綠色物體，其實都是他吞下的藻類，棘尾蟲基本上能夠放入口的東西都會吃，而其中一個重要特徵是尾部有三條棘毛。

（↓點擊圖片放大↓） 

事主續指，如果再放大顯微鏡圖片來看，其實會見到「好多細菌喺度游嚟游去」；但至於屬於甚麼種類，「我屋企唔係化驗所，冇得種菌，所以無從得知啦。」他指出，雖然今次介紹的大部分都是無害原生生物，但並不代表水裡面無致病細菌和病毒，只因器材所限而無法檢視細菌及病毒。因此，他強烈呼籲：

「山水好鬼污糟，咪飲咪用嚟洗手。」

他又提醒，變形蟲中有一類為「福氏內格里蟲（又稱「食腦變形蟲」，Naegleria fowleri），

「如果就咁食落肚嘅話其實唔會有事，但如果唔小心吸咗落個鼻度就有機會上腦。而且係冇得醫。不過呢啲case算罕有。」

此事引來網民熱議，不少人詢問各種問題，「啲溪水煲完會係點？係咪全部微生物屍體？」、「水喉水就冇？」、「胃酸都會殺晒！」對此，事主指自己未試過用顯微鏡放大煲過的溪水，但相信結果「應該都係（充滿微生物屍體）」；至於水喉水有沒有微生物、胃酸是否可以殺死微生物，他則表示：「無可避免有啲菌，不過一定乾淨過呢啲山水好多。」、「係㗎，有啲菌就未必了，都係睇彩數。」

致命寄生蟲︳6歲童嬉水池遊玩後染食腦變形蟲 腦膜炎死亡檢測揭水質不合格，詳情即睇：【下一頁】

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

撰文：潘迦晴