恆香×小熊賀年產品 即日入手享早鳥優惠

每逢農曆新年，黛安都會精選特色禮盒送畀親朋好友，公關姊妹話，今年恆香老餅家同日本大熱卡通角色「輕鬆小熊」聯手，推出5款全新賀年產品。

當中包括蔗糖年糕同埋椰汁年糕嘅年糕禮盒，零售價$198，仲會附送小熊保溫袋；另外仲有內含4款港式經典小食嘅糖果全盒，蛋卷連購物袋套裝、焦糖果仁曲奇酥禮盒等，每款都好吸引。

姊妹話，新春期間凡購買「恆香×輕鬆小熊」賀年產品滿$180，即獲得可愛揮春一套，如果加$28仲可以換購獨家限定輕鬆小熊小布袋㖭。另外，即日起除咗有早鳥優惠組合外，限時內喺網店落單嘅首100份訂單，可宅配免運費。下月3日至2月13日，恆香亦會推出兩款新春優惠組合，可以一次過入手多款輕鬆小熊賀年產品，大家唔好錯過呀！