Coffee林芊妤囝囝全晚抱實B女唔肯放手 開綠燈叫媽媽生多個：你生啦！

林芊妤（Coffee）囝囝翟德彥（伯伯）轉眼間已經3歲，Coffee一直希望為兒子添弟妹，不過今年4月曾懷上第二胎的她，還未報喜已不幸流產。Coffee曾為此事不停自責，幸好最後想通，「好好休養之後再接再厲。」而原來她的囝囝亦一樣想多個弟妹，佢見到人哋個BB女全晚抱到實一實唔肯放手，仲開綠燈叫媽媽快啲生多個！

{{hket:inline-image name="267532008_415949286845039_1805677080199217205_n.jpg"}}{{/hket:inline-image}}

同場加映：傳無綫x港台辦頒獎禮丨MIRROR笑言最恨見TVBuddy ERROR：如果冇獎唔使坐成晚

{{hket:ul-video id="4987"}}{{/hket:ul-video}}

Coffee日前帶囝囝去咗朋友屋企，更爆囝囝抱到BB女實一實。她留言：「佢全晚真係抱到實一實，見到佢對BB女嘅愛真係滲晒出嚟！好啦，為咗你，我哋真係要努力啲啦下。」

{{hket:inline-image name="coffee5.png"}}{{/hket:inline-image}}

在片中，Coffee問囝囝可唔可以抱走BB，囝囝隨即攬住B女，話：「我㗎！」之後B女嘅哥哥走埋嚟想抱走妹妹，Coffee問囝囝：「佢（B女）係咪你㗎？」囝囝隨即攬實B女，B女嘅哥哥想嚟抱都抱唔走。

之後Coffee問囝囝可唔可以畀佢抱B女一陣，囝囝唔制，仲話：「唔呀！」仲摸B女個頭，又錫咗B女一啖。Coffee見囝囝咁錫人哋個B女，就問：「你想唔想自己生番個？」人細鬼大嘅囝囝就話：「你生啦！」Coffee問多一次：「邊個生話？」囝囝回應：「你呀！」

不少網民睇到條片都哭笑不得，尤其係聽到囝囝叫媽媽快啲生多個呢一句，「你生啦！笑死」、「伯伯話你生啦⋯⋯（邊個生？）你！超好笑。」、「暗示媽媽當中」、「伯伯個樣勁得戚，Coffee你放心晒啦，佢會幫你睇住㗎啦」。又有人指伯伯終於開綠燈，Coffee表示：「呢個綠燈其實開咗好耐！」、「大佬出到聲做細嘅點都要做嘢嘅！」

亦有網民問到：「其實真係好大壓力，萬一下一個係男仔，彥彥都係咁開心？」Coffee表示平常心應對：「我唔會理架其實，我生仔又唔係為咗佢，為咗我自己咋嘛！」

上月曾接種復必泰疫苗│Coffee爆懷孕後腹痛流血流產 「像玩過山車期待後會失落」【下一頁】

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】