林芊妤K.O.網民反對與3歲仔共浴 「身體唔一定同性色畫上等號」

林芊妤（Coffee）日前同老公仲有3歲囝囝「伯伯」去到酒店staycation，一如以往Coffee都不停喺佢嘅限時動態開心Share佢哋做啲咩，今天Coffee再發布同伯伯浸浴嘅照片，Coffee同伯伯背向鏡頭，望住窗外美好風景。大家除咗大讚Coffee白滑美背Fit爆之外，仲發現年紀小小嘅伯伯已經有背肌，大個仔一定會弗到不得了呀！

同場加映：自認壞爸爸│黎諾懿入行18年明白機會莫強求 見MIRROR興起籲無綫勿故步自封

{{hket:ul-video id="4170"}}{{/hket:ul-video}}

{{hket:inline-image name="13.JPG"}}{{/hket:inline-image}}

雖然眼前嘅畫面非常溫馨，不過都惹起咗小部分網民嘅反感，叫Coffee唔好再同伯伯共浴，留言：「其實真係唔好再同個仔一齊沖涼，佢已經有意識，影響唔好。」、「伯伯都返學了，要知道男女有別，最好盡量避免畀佢感覺男女孩子可以祼體相見。怕佢好易混淆，點解我同媽媽可以一齊沖涼，其他女孩子唔可以？」一向同伯伯好親密嘅Coffee忍唔住親自回應：「我真係睇唔出同三歲嘅仔浸浴有咩問題😆，不過每個屋企都有唔同嘅觀念，我會用自己認為適當嘅方法去教導佢，但我都好想講男同女嘅身體唔一定同性或色畫上等號。呢張相我只係聯想到好lovely（可愛）Thanks for understanding.（多謝理解）」

大部分粉絲都力撐伯伯依家年紀仍然好細，同媽媽一齊沖涼根本冇問題，仲提到即使係政府游泳池都係去到8歲或以上先唔可以去異性嘅更衣室，留言：「好sweet、好靚、好有意思的一張相，完全冇問題！」、「死啦！我睇到呢張相只係諗到靚景靚媽同埋好溫馨咋喎！點解某啲人會覺得色色嘅呢？父母同孩子之間嘅感情同埋感覺係好pure（純潔）, 如果有邪念嘅唔該去睇吓心理醫生啦！」

事件仲被放上討論區，支持同反對嘅意見就一半半，反對嘅人認為問題唔係在於共浴，而係認為呢輯相「唔啱feel」：「有人就同個仔浸浴影相冇問題，但人地影既唔係玩吓鴨仔，就係洗下頭髮，成個feel係親子樂嘅，佢就影到同情侶staycation一樣，咁好難唔反感。」