張秀文趕及年尾嫁金融才俊王大權 「金牌媒人」Bob見證：又搞掂一單

34歲的張秀文上月被爆與富二代王大權（Billy）相戀，二人極速開花結果，宣布結婚，更一早影定婚紗相。今日兩人舉行婚禮，「金牌媒人」林盛斌（Bob）率先在IG po相公開喜訊，並留言：「又搞掂一單！恭喜恭喜！」

同場加映：《臨時械劫》｜郭富城戴假耳仔哨牙look演賊王 爆同小齊林家棟有「男人的浪漫」

{{hket:ul-video id="4937"}}{{/hket:ul-video}}

{{hket:inline-image name="32.jpg"}}{{/hket:inline-image}}

張秀文邀請不少圈中好友出席婚禮，見證大喜日子。從片段中可見秀文與Billy拖手行入教堂，親友送上無限祝福。「金牌媒人」Bob及何遠東等都有到場。

Bob接受《晴報》電話訪問，「今日係好開心嘅，見到佢哋有情人終成眷屬。同埋好多謝佢哋特別安排，完咗簽紙儀式之後，佢哋喺教堂入面同屋企人合照，影完兩張最重要嘅男家女家照片之後，主持人開咪叫我上去單獨同佢地影，突然之間覺得自己地位好崇高，哈哈！成個過程都好感動，特別係佢哋講誓言嘅時候，我都眼濕濕！」他續稱︰「最好笑係佢哋嘅爸爸媽媽、親戚不斷咁同我講多謝，有兩個親戚仲問我有冇筍盤介紹畀佢個女！仲有仲有……新郎哥實在太客氣，我都畀佢嚇一嚇，無啦啦塞咗封利是我，我話唔使搞呢啲嘢啦……推推拉拉一輪，新郎哥話一定要收，啲賓客又喺度望住，搞到好鬼尷尬，哈哈！總之衷心祝福佢哋幸福快樂，快快脆脆生幾個小朋友啦！」

{{hket:inline-image name="4334.jpeg"}}{{/hket:inline-image}}

張秀文早前回覆本報時狂讚老公Billy，「拍拖一年多，大家都好認真，以結婚為目標去相處，Billy畀到好大安全感我，對朋友好好，工作認真又（有）上進心，又鐘意運動同音樂，各方面都好好。」

據知Billy是「皮草太子爺」王大業的堂弟，在金融界甚有眼光，有傳他年薪過千萬，是城中筍盤；一對新人待明年疫情緩和才擺酒。

金牌媒人BOB牽紅線│34歲張秀文急嫁富二代王大權 「Billy畀到好大安全感我」【下一頁】

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】