代溝關注組｜李家鼎化妝間遭同行打尖嗌讓開 當場爆粗反擊：佢係邊個呀？

鼎爺（李家鼎）向來給人感覺火爆，性格率直，絕不好惹，早年曾公開批評無綫劇集製作馬虎，新演員無心學習，又講到明自己不怕得罪人，要炒就炒他。鼎爺一直都是這般硬漢子形象，想不到仍有人去挑戰他。上周五（3日）播出的《代溝關注組》，鼎爺大爆昔日在化妝間等化妝時，竟然有人叫他起身讓開，結果換來他的粗口回敬，堅持道理行先，絕不退縮。

{{hket:inline-image name="09061005.jpg"}}{{/hket:inline-image}}

{{hket:inline-image name="09061007.jpg"}}{{/hket:inline-image}}

【阿爺廚房】李家鼎74歲生日冧爆錫孫女面珠 大仔李泳漢幸福肥身形暴脹【下一頁】

由區永權及張秀文擔任主持的節目《代溝關注組》，上周五請來「長輩群組」李家鼎、肥媽（Maria Cordero）及魯振順，跟「後輩群組」徐文浩、羅毓儀、林正峰、陳嘉慧及吳卓衡，齊齊討論娛樂圈的血淚史。當中談及「後輩藝人3宗罪」，包括遲到、臨拍攝先睇稿及綵排顧住玩電話；還有「前輩藝人3宗罪」的盛氣凌人、拒絕接受新事物及自恃前輩擺款，讓兩輩人藉此拉近距離，加深雙方的了解。

鼎爺以個人經歷作例子來分享，但就沒有公開對方名字，他火氣十足話：「遲到，呢啲慣性，好多人要派帖先肯埋位，即係要請先肯埋位，由入廠化妝之前都唔知去咗邊，打鑼打鼓都未返到……我曾經試過，有個男一日日遲到，佢喺邵氏個廠橫門入，擺咗張沙灘椅喺度，自己就化晒妝，人哋唔知以為佢早到，其實佢係遲到；有日我專登遲到，導演、監製都喺度，我話佢日日遲到，叫佢等番我3個鐘……」提到唔熟讀劇本就入廠，又邊化妝邊對稿，鼎爺未有收火再鬧：「我都唔怕講，唔好開名，你係唔尊重呢部戲。呢班演員，係想唔撈？『吓，下句講咩呀？』……我就好㷫呢樣嘢，如果你唔做功課，你一定富貴。」

【C9特工】李家鼎身手敏捷開槍擊退殺手 網民大讚：「開套阿爺特工俾佢」【下一頁】

「後輩群組」陳嘉慧講到前輩擺款時，就分享她的所見所聞，「其實以前啱啱入行，仲係啱啱喺訓練班出嚟嗰時，有遇過一位咁嘅前輩，就係佢一入嚟化妝間嗰陣，我坐咗喺度，跟住（用手勢指一指）話『你起身，我化先！』。」鼎爺聞言即忍唔住插口講：「我好討厭呢啲……我李家鼎都試過，『鼎爺，讓一讓啦！』，我話做咩，佢話呢個係邊個嗰位，我就講X同Y，大晒咩！我返嚟先，而家等緊化妝……佢係邊個呀？我唔識喎！」

（↓點擊放大睇圖片↓）

鼎爺這種堅持的性格，可謂多年來無變過，就算對自己公司一樣如此。2015年接受新城《娛樂旗艦店》訪問時，他就炮轟無綫製作馬虎，「我唔怕得罪人㗎！炒咪炒囉！」他當年指公司劇集製作馬虎，劇組沒有認真做資料蒐集，很多古裝對白的文法錯得離譜，不根據真實歷史背景，連不同朝代的戲服也穿錯。鼎爺更批評新演員無心學習，即使背熟對白的也不知道自己在說甚麼，又不時變「低頭族」在玩手機。

撰文：梁榮達

同場加映：星格Boss│黎澤恩Ronny疫情下開健身+音樂教室 生招牌吸客 租金高昂未敢諗回本

{{hket:ul-video id="4050"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】