倪晨曦食極唔吸收瘦過生B前 星級媽媽產後極速修身有妙方

近年娛圈喜事連連，唔少女星都「延續」佢哋嘅優良基因，生番個靚B！呢班年輕嘅星級媽媽個個都非常自律，產後冇耐就回復番產前嘅苗條身形，真係令到女嘅羨慕，男嘅欣賞！不過原來就唔係個個都係「自願」瘦身，日前倪晨曦（Elva）出席活動嘅時候就大呻食極都唔吸收。

同場加映：青春本我丨張馳豪潘靜文成熒幕CP互爆缺點 犧牲學業愛情整裝自己追趕步伐

{{hket:ul-video id="4919"}}{{/hket:ul-video}}

Elva生B後體重跌到107磅，比未生前仲要瘦，話湊B仲攰過開工，「我食極都唔吸收，而且湊仔真好辛苦呀！因為囝囝越嚟越大，反而我仲需要更加多嘅精力去陪佢玩，出去做完嘢，我返去又要陪佢玩，所以我係冇停過。我真係唔想咁瘦，我真係想肥啲。可能真係壓力，加上瞓覺冇以前咁多，始終係令到個人攰啲嘅。」Elva仲打消咗追多個B嘅念頭，「而家都係做吓嘢先啦」，生唔生之後先再算。

{{hket:inline-image name="205272108_190111786360336_8278501342673356216_n.jpg"}}{{/hket:inline-image}}

另一位靚媽譚凱琪都係生完好似冇生過一樣，話好多人都以為佢為減肥唔食嘢，但佢就話「唔食嘢係一件好難嘅事」，譚凱琪自言係一個超鍾意食嘢嘅人，但佢改變咗少少飲食習慣，幫助keep fit，表明︰「由以前食到十成飽到而家只食七分飽，反而感覺無咁易攰，多菜少肉，減少食澱粉質食物，再配合少許運動，反而覺得個人精神咗！」

楊洛婷（Rabee'a）誕下兒子後四個月已經瘦咗42磅，仲以Fit爆身材拍廣告。Rabee'a透露自己坐完月都唔敢咁快做運動，用最舒服嘅方式去修身，「做機可以去淋巴、去水、消脂，紥肚就令身型靚。」飲食方面Rabee'a也有一套心得，「以前我好鍾意食飯，而家夜晚就戒飯，食烚菜；戒糖、戒鹽、戒油就好快減到磅，但始終餵緊母乳要有足夠營養，早午餐都一定要食、然後飲好多湯水、食補品，Keep住健康地瘦。」

而沈卓盈亦係產後四個月就回復Fit爆身形，平時都會不時post佢做運動嘅相上IG，飲食方面佢似乎冇特別節制，經常都去食好西，近日佢開始派番「福利」，網上留言：「久違了的獨照，實在覺得每天24小時都不夠用，每天也很忙，雖然沒有太多自己的時間，但其實也很享受這種忙呢……」

余香凝（Jennifer）今年5月誕下囡囡，產後至今半年多已火速收身成功，早前更於IG大曬泳衣照，盡騷fit爆身材以及她的43吋無敵長腿，留言：「紀念一下瘦下來的自己，現在比以前對自己更嚴格了（有陽光有恒溫泳池，其實都挺溫暖的） 。」見Jennifer都有去紥肚幫助恢復身形，除咗紥肚仲有勤做運動，佢都話好滿意自己努力後嘅成果呀！

圖片來源：Instagram