陳浩民蔣麗莎被網民插刻薄保姆 食餸尾兼做廳長：唔識尊重人

現年52歲嘅陳浩民2011年同細佢16年嘅模特兒女友蔣麗莎奉子成婚，誕下三女一子，不時都會喺社交平台分享佢哋嘅家庭生活相片，非常受網民歡迎。不過日前佢哋直播同網民互動嘅時候，講咗一句說話引起大家不滿，網民直言對夫妻二人印象大扣分。

同場加映：青春本我丨張馳豪潘靜文成熒幕CP互爆缺點 犧牲學業愛情整裝自己追趕步伐

{{hket:ul-video id="4819"}}{{/hket:ul-video}}

事緣日前二人一邊食飯一邊開直播，用餐完畢之後，蔣麗莎就對住鏡頭「指揮」保姆收拾枱上嘅碗筷，有網民見到佢哋枱上面仲有好多剩餸，留言問到會點處理，而蔣麗莎居然表示會畀保姆食。呢個回答隨即引起好多睇緊直播嘅網友指責兩夫婦，大鬧佢哋刻薄保姆，當正人哋係「下人」，相當唔尊重，要人食餸尾唔乾淨亦唔再係熱辣辣；同時認為如果有心就應該單獨留一份畀保姆食。陳浩民、蔣麗莎見好多網民指責，先意識到講錯嘢，不過就冇即時澄清，而選擇立即停止直播。

{{hket:inline-image name="497f11e6ly1gwvb3h4iw1j21o02you0x.jpg"}}{{/hket:inline-image}}

其實二人被指冇善待保姆已經唔係第一次，有網民指出陳浩民曾經喺綜藝節目上表示，因為屋企空間不大所以要保姆做「廳長」，換言之保姆係完全冇私人空間，如今再因為飯食問題而令呢件事被翻炒。

近日蔣麗莎再開直播時，網民就捉住機會問佢保姆要食剩餸同瞓廳嘅事，佢回應指自己係一個好隨意嘅人，保姆想食咩就食咩，如果保姆自己唔想食可以另開爐灶煮，甚至買餸、菜式都係跟保姆意思，佢係完全放心。至於瞓覺問題，佢表示阿女房間有兩張床，保姆係同阿女同一間房。雖然蔣麗莎對網民嘅疑問作出詳細解答，但大家都係唔多收貨，繼續圍插。

圖片來源：微博