「不想運動運動會」周末將軍澳開Show 9大競技免費試身手

「可以懶的話，不會郁」，相信是不少港人心聲。但就算唔想運動，如果想健康就要郁動多啲。黛安見到將軍澳領展商場TKO Spot呢個月逢周六、日都會搞「不想運動運動會」，唔單止同法國大型運動用品專門店DECATHLON合作，仲有射龍門九宮格、小型高爾夫球、籃球神射手、射箭挑戰、瑜伽平衡、滑雪板平衡、戰繩、跳繩及搭建露營帳篷等9大挑戰，免費畀市民試身手，完成晒更有機會贏$50現金券同禮品。

公關姊妹話，嚟緊嘅周末（11、12日）仲有花式足球、攀石，同東京奧運後大熱嘅劍擊免費運動體驗，同埋與香港遊樂場協會合作嘅AR划艇玩，全部都有專業教練指導，隨時發掘到新一代運動天才。之後會有勁潮嘅街舞同滑板玩㖭，到12月26日仲有滾軸溜冰比賽，公眾可以免費觀賽。

另外，台灣網紅貓黃阿瑪都會搞人氣限定店，集齊多款首次發售嘅貓貓主題商品，但只開到明年1月2日；而黃阿瑪嚟緊2個周末都會出巡，同香港貓奴打卡。