吳婉芳少女肌似姑仔多過奶奶 一家神顏細妹走嬰兒肥變索女

日前吳婉芳大仔胡智略（Caspar）日前低調與霍英東孫女霍詠盈（Caroline）拉埋天窗。新奶奶更邀請契哥張學友、曾志偉、陳百祥等出席婚宴，學友仲唱埋《每天愛你多一些》祝賀一對新人，真係星光熠熠耀婚禮！

同場加映：廣告酬勞飆升｜MIRROR成員傳出騷身價高達50萬 AK：希望報道講嘅係真

{{hket:ul-video id="4653"}}{{/hket:ul-video}}

榮升奶奶嘅吳婉芳回應傳媒時，開心表示多謝所有親朋戚友嘅蒞臨同祝福，對於大仔終於成家立室，佢好高興，並希望大仔與新抱仔可以開開心心，白頭到老，永結同心。吳婉芳解釋因為佢哋一家都唔係娛樂圈人，所以只係好似一般人咁籌備婚禮，冇特別通知及打擾傳媒，並多謝大家關心。

{{hket:inline-image name="f2ce67b8-5f3a-4ba2-9573-0f17b552a2f6.jpg"}}{{/hket:inline-image}}

54歲嘅吳婉芳係1986年港姐亞軍，雖然已經退出娛圈多時，不過因為佢靚到誇張嘅凍齡身材同肌膚，唔少人都想知道佢嘅近況。Caspar結婚呢日，新娘Caroline都只係post咗佢同老公嘅婚照，大家都好期待睇到吳婉芳嘅奶奶look！終於，Caspar嘅胞弟胡智同（Lynus）第二日喺社交平台post咗全家福，吳婉芳再次令人驚艷。

吳婉芳撓住大仔嘅手，細女胡智晴（Helene）就企佢嘅另一邊，二人望落好似兩姊妹咁，吳婉芳似新姑仔多過新奶奶呀！Lynus嘅朋友都忍唔住留言：「伯友靚到冇得輸！」網民無不驚嘆吳婉芳同30年前幾乎一樣樣，留言：「點解可以唔曉老」、「冇整容冇膠面，好靚好優雅」真係靚到低調唔到，超級搶鏡。

除咗吳婉芳本人之外，佢一家嘅「神顏」都非常受到公眾關注，同媽媽最似樣嘅大仔Caspar靚仔到好似漫畫入面嘅公子咁；細仔Lynus就係完全唔同feel嘅陽光大隻仔；原來係肥妹仔嘅細女Helene而家都slim晒變索，全家嘅基因都好優良呀！

撰文：黃蘊姿

{{hket:inline-image name="WhatsApp.jpeg"}}{{/hket:inline-image}}

{{hket:inline-image name="WhatsA.jpeg"}}{{/hket:inline-image}}

{{hket:inline-image name="What.jpeg"}}{{/hket:inline-image}}