領展幸運大抽獎 特別獎跟Mirror排舞師學舞

聖誕節收到禮物當然開心啦，黛安聽聞領展由下星期一（15日）至下月31日，將推出「聖誕二重賞‧幸運大抽獎」，只需登記做領展會員，喺29個指定商場或街市，即日以電子貨幣消費滿$300或以上，即可獲「即抽即中獎」及「終極大抽獎」機會1次；消費滿$500或以上，更可獲2次抽獎機會。其中「即抽即中獎」獎品超過6.5萬份，包括家用電器、保健食品、$100至$500嘅餐飲現金券等，人人有份，永不落空。

「終極大抽獎」就會喺明年1月5日抽獎，1月10日公布結果，頭獎係周生生$10萬足金禮券，其餘獎品都好吸引，如iPhone 13、Dyson風筒等。另外，仲有兩個特別大獎，包括同Mirror嘅排舞導師Rock Sir學跳舞，及向香港首位職業西洋拳拳擊手曹星如學打拳㗎，大家唔好錯過呀。