管家王 ︳住80呎劏房儲錢10年終上車 80後情侶$41萬改造324呎工業風新居

在香港上車置業不容易，每個港人都有自己的奮鬥故事。Frank為儲錢過去10年都租住僅約80呎劏房，除了要忍受空間不足，更要面對衛生情況惡劣問題；幸好終得到回報，今年儲夠首期與女友在長沙灣買樓，花41萬元裝修為300餘呎窩居注入工業風格，改造成私人展覽廳，終於可隨時招呼朋友上來食飯玩卡牌。

同場加映︰

Sick問識答︳ 運動後進食易肥吃能量棒代替？營養師拆解運動飲食4大謬誤

{{hket:ul-video id="4523"}}{{/hket:ul-video}}

80後屋主Frank接受《晴報》訪問時表示，10年前開始搬出去租屋住，由於希望可以負擔租金之餘又能夠儲錢，決定租住50年樓齡唐樓的劏房單位，面積僅80呎，女友早前也搬入劏房同居。捱過多年劏房生活兩人終於儲夠首期，今年得以圓夢上車，購入長沙灣一個面積約324呎單位。

單位原則屬一房一廳，設有梗廚，並有兩個露台。Frank未有改動單位間隔，但希望新裝修採用型格簡約的工業風，在過程中親自構思設計，全屋以黑色配金屬元素，加入不銹鋼和清水石屎質感，再搭配簡單線條加強設計感。

裝修前及圖則︰

（↓點擊放大睇圖片↓）

慳位設計保留空間感

為增加儲物量，飯廳位置設L型儲物櫃，同時善用玄關天花設置吊櫃，放置飾物同時修飾橫樑。而儲物櫃中空位置則放有一個大魚缸，為深色飾面作平衡。與此同時，收納櫃更內藏一張伸縮型餐枱，供屋主用餐、招待好友玩卡牌，又或作為砌模型工作枱。

（↓點擊放大睇圖片↓）

至於客廳則主要選用胡桃木色，由於Frank希望可以將住所變成「私人展覽廳」，設多組飾櫃，擺放動物模型﹑高達模型等，可以定期轉換不同主題。考慮到配合整體設計，為避免顏色繽紛的模型過於突兀，故採用灰玻璃取代傳統玻璃，

「著燈嘅時候就可以欣賞到佢哋，而平時一熄咗燈就唔係好顯眼，唔會影響到全屋型格嘅效果。」

（↓點擊放大睇圖片↓）

廚房方面，牆身裝上摺枱，彌補工作枱面不足問題，平時可收起增加走動空間。

廚房及浴室︰

（↓點擊放大睇圖片↓）

Frank回想當年住在唐樓，衛生環境和治安欠佳，更曾發生過不愉快經歷，「每日返屋企都會見到老鼠周圍走，有次仲走埋入屋；大廈又冇保安，曾經試過俾人入屋爆竊，好彩只係損失咗啲現金」。如今由80呎劏房搬到324呎單位，Frank坦言生活變得不一樣，有更多空間可以砌模型，閒時亦可以在家中練體能，而以前無法做的事——招呼朋友，如今終於可以實現，

「回想起之前住劏房嘅日子真係幾無奈㗎，冇廚房可以煮嘢食，更加唔使諗招呼朋友，而家放假可以自己下廚煮番幾味招呼朋友敘舊。」

睡房︰

（↓點擊放大睇圖片↓）

單位裝修工程由「EcHouse」負責，全屋裝修連訂造傢俬花費約41萬元，細項如下︰

你都遇到家居奇難雜症，或者有上車置業故事、家居設計經驗想同讀者分享？歡迎向《晴報》投稿！【投稿連結】

每朝索取《晴報》：精明生活．健康家庭．開心娛樂

撰文：劉紀瑩