荷里活廣場「繽紛消費賞」 消費$1,200送$200優惠券

第2期電子消費券就快發放，黛安聽聞荷里活廣場將推出「繽紛消費賞」，10月1日至12月27日（逢周五至日、公眾假期）會豪派總值逾$400萬優惠券，用電子消費券購物可享商場優惠券回贈，多買多賞！

活動期間憑即日電子貨幣消費滿$1,200或VIC會員憑120 VIC積分，即可換領總值$200優惠券，當中包括「$50指定商戶購物優惠券」3張及「$50指定商戶美食優惠券」1張，購物之餘仲可以享用美食充電㖭。每日名額有限，換完即止啊。

此外，VIC會員喺11月1日至12月31日喺場內指定食肆或商戶，用電子貨幣消費並成功登記有效發票，仲可賺2倍VIC會員積分㖭。

所有喺上述推廣期成功登記積分嘅有效發票，都會自動參加11至12月期間嘅「最高消費購物賞」，頭3名累積最高消費金額（不少於$30,000）嘅VIC會員，更有機會贏得高達$5,000指定商戶現金券㗎，有咁多着數優惠，黛安都要約定好姊妹去掃貨。