秦啟維（維維）今個月接連有劇推出，於剛播完的《智能愛人》中，飾演關楚耀的死黨，即奇點創辦人之一的Cook，結局是從高處墮下後失常；在播映的《把關者們》又客串出軌老公，在街頭向老婆跪地自摑求原諒。維維這兩場戲可謂交足功課，瘋癲男及小男人也拿捏得來，可能跟他是演藝學院畢業，有正統的學院派演技，加上有十幾年幕前經驗，應付起來綽綽有餘。
同場加映：【娛樂直擊】《一起走過》10月回歸｜寶珮如接江美儀捧做新一輯主持 楊紹鴻碌爆人情卡 講明見好就收
維維可謂劇集「客串王」，今年除以上兩齣劇集外，《失憶24小時》、《愛美麗狂想曲》、《伙記辦大事》、《逆天奇案》、《一笑渡凡間》、《欺詐劇團》、《刑偵日記》及《七公主》等，亦會見到他的影蹤。不知道維維收入方面是否成正比，但原來他私下有做生意，為日後生活做個保障，身為一間健康食品公司代言人的他，同時是公司的生意合夥人，平日負責推廣產品，早前就在個人社交平台推介一款新冠肺炎測試套裝，他說：「呢間公司都有30、40年歷史，是做活絡油起家，近十年開始專注做健康產品。我喺上年年尾時做代言人，係收友情價，之後投資咗6位數字，公司生意幾好，除咗香港推出產品，都會外銷去世畀各地。」
【木棘証人】秦啟維矮一大截但兇贏羅仲謙 演藝學院畢業曾因身高局限發展【下一頁】
提到疫情有助健康食品生意，維維表示：「疫情令更加多人注重健康，見到TVB都多咗不同牌子嘅廣告，有些人認為內服後，可以增強身體嘅抵抗力，感覺上係好啲。今年公司亦推出新冠肺炎快速檢測，可以自我測試，15分鐘就知結果，很多演員有小朋友，另外媒體同演唱會搞手都有用，啱啱做時銷路幾好，而家市場有少少飽和，因為大約有5成人打咗針。（之後如何推廣生意？）全靠藝人朋友口碑，因為身邊很多人都有小朋友，《愛回家》同事都有幫我入貨，一訂就幾十盒，大家都好好人，去買廣告宣傳又要花一筆錢。」
（↓點擊放大睇圖片↓）
- {{hket:inline-image name="Image08.jpeg"}}{{/hket:inline-image}}
- {{hket:inline-image name="171304537_4195292910495589_6905678194031590886_n.jpg"}}{{/hket:inline-image}}
維維透露現時幕前工作同生意會作雙線發展，不會單一方向去想，以往就很想專心去做藝術，如今見到不少藝人也有做KOL或YouTuber，大家向不同方向去尋找機會，「做人要努力去嘗試，幾滿意而家發展，好感恩由亞視過嚟，可以由主播做到演員。（有否想過攞獎獲得肯定？）這些係題外話，反而開心收到《智能愛人》及《把關者們》兩個監製，用WhatsApp同埋透過身邊人傳遞訊息過嚟，讚我喺戲中嘅演出，真係好開心，始終我嘅戲分唔太多，TVB實在太多人，每次演出都會盡全力去做。」維維指《把關者們》跪求老婆原諒場面是真摑，由於要不同角度拍攝，前後需要拍幾次，「真摑是幾痛，不過男仔冇所謂，最重要是出來的效果。（未來還有劇推出？）《愛回家》會繼續，《痞子殿下》已拍完，仲有套《廉政狙擊》，希望觀眾會鍾意。」
撰文：梁榮達
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】