《木棘証人》中秦啟維飾演處處針對羅仲謙的刑事調查隊督察，雖然身高輸羅仲謙，但氣勢一啲都唔輸蝕。48歲的秦啟維入行26年，身高173cm左右，當中服務亞視達22年，不過隨著亞視不獲續牌 ; 他在2015年轉投無綫，加入TVB後曾擔任娛樂新聞台外景採訪記者及《娛樂新聞報道》主播，亦有不少拍劇機會。
(圖片：《木棘証人》電視截圖)
(圖片：《木棘証人》電視截圖)
秦啟維在1993年畢業於香港演藝學院，朱茵是他的同屆同學。在畢業之前，兩人已經受邀到無綫面試，最終只有朱茵面試成功 ; 秦啟維接受訪問時，曾指原因是因身高問題，表示當時TVB需一些高大的演員。
(圖片：東星娛樂)
秦啟維曾效力亞視22年，但隨著亞視不獲續牌，2015年9月10日他亦約滿離開。轉投無綫後，他多了不少拍劇機會，接連幾套劇都看到他的演出︰如他在處境喜劇《愛·回家之開心速遞》中飾演「細力」一角 ; 現時播出的《木棘証人》中飾演刑事調查隊督察「鍾正英」，與羅仲謙、黃子雄有不少對手戲。
(Facebook圖片)
【曾被無綫拒諸門外】《愛回家》細力秦啟維捱足26年 亞視執笠恨鐵不成鋼爆喊 【下一頁】
秦啟維接受《晴報》訪問時，表示今次角色與過往很不同，與謙仔很有化學作用。「平時我多數演『爛撻撻』嘅人物，今次全部演員都係行搞笑路線，監製反而要我認真演。我喺《開心速遞》同《C9特工》都係搞笑為主，所以今次同以往個對比好大，拍攝都幾開心！」
(圖片：《木棘証人》劇照)
今次秦啟維與黃子雄有不少對手戲：「之前同黃子雄喺《雜警奇兵》都有合作，當時我係佢條𡃁，今次唔同，大家平起平坐，多謝監製畀機會我。」他又指兩人身高差帶出喜劇效果：「謙仔成5尺10，如果佢同黃子雄係對頭，大家差不多高，又可能出唔到個效果。」
(圖片：《木棘証人》電視截圖)
他又坦言，高度問題一直是個局限，「因為TVB男主角多數都好高，我向來都輸蝕，不過聽番幕後同事話我輸身高但贏氣勢，現今社會好多元化，只要有機會畀我，我就會做好佢。入TVB 4年時間以來，托賴接到嘅角色都有啲唔同，好開心！」
輸身高但贏氣勢。(圖片：《木棘証人》電視截圖)
讀戲劇出身的秦啟維一直愛演戲，他在亞視時卻被安排做兒童節目主持，後來才有份拍劇如《再見艷陽天》、《我來自潮州》等。「我一直想拍劇，讀演藝學院，之後就入亞視，亞視劇少，綜藝節目比較多，要生存，我好努力做綜藝。」專注做演員追夢，現在收入會否有影響？「演戲呢條路係我揀嘅，冇做娛樂新聞台主持一年幾，收入當然有影響。呢幾年有機會拍劇，我會好好珍惜，希望做好自己演員本份，慢慢畀大家留意到我認真嘅一面。」
秦啟維曾效力亞視22年。(圖片：東星娛樂)
做過娛樂新聞台主持。(Facebook圖片)
《迷網》中與尹詩沛演夫婦。(Facebook圖片)
【迷網】尹詩沛馬海倫演師奶年齡差43歲 劇中10位「御用師奶」深入民心 【下一頁】
撰文：林惠珊
責任編輯：楊安莉