吳志雄嫁女星光熠熠勁過台慶 大佬B上身與肥媽合唱「棹忌」飲歌

現年67歲、曾於《古惑仔之人在江湖》中飾演「大佬B」嘅吳志雄自從淡出影圈後，轉戰內地發展。除了四出登台唱歌之外，還進軍飲食界，在內地開設私房菜及火鍋店，生意搞得有聲有色，相識滿天下嘅志雄哥更經常宴請一班好友，非常豪氣。

同場加映：【專訪】聲夢傳奇│炎明熹與父母分開生活促獨立 「長時間冇見面感情總會爭少少」」

{{hket:ul-video id="4121"}}{{/hket:ul-video}}

{{hket:inline-image name="240674245_434384174712230_6709930336986052850_n.jpg"}}{{/hket:inline-image}}

日前志雄哥嫁女，與吳志雄以「姊弟」相稱的肥媽（Maria Cordero）亦有到賀，並喺社交平台上載多張合照，並留言︰「家有囍事，我係大姨媽，恭喜志雄哥嫁女，祝Donna and Dickson百年好合，連生貴子。」雖然吳志雄已經淡出娛圈，但在圈中人緣甚廣嘅佢依然獲得不少昔日好友，包括羅蘭、劉偉強、林國斌、盧惠光、黃伊汶、泳兒等到場祝賀，而王晶太太丁德君同王子涵亦有到場。已經年過60歲的丁德君保養得宜，今次露面亦十分難得，可以話係星光熠熠，非常有面！

相中所見婚宴當晚嘅菜式有鮑魚、魚翅、乳豬等，應有盡有，而榮升岳父的吳志雄都換咗兩套藍色西裝，打扮有型有款！新娘戴住六對龍鳳鈪，頸上掛着三層大金豬，貴氣十足！當晚新娘一共換了兩套衫，分別是婚紗及喜服，十分優雅大體；而新郎亦官仔骨骨，兩人相當合襯。在晚宴上，肥媽送了一對龍鳳鈪給新娘子，又見到肥媽與吳志雄手拖手上台致辭，並合唱經典歌《友誼之光》，期間吳志雄點名多謝劉偉強︰「我同導演1986年認識，我哋拍過《古惑仔》、《新邊緣人》，喺《監獄風雲》嘅時間，最緊要就係首歌。」

不過唔少網民睇到都話「大吉利是」，大吉日子竟然唱一首咁唔好意頭嘅歌：「笑咗！好似《家有囍事》吳君如！」、「不如唱《分飛燕》」、「係咪寸新郎哥結婚等於終身監禁？」，不過都有人話呢首係肥媽同吳志雄signature嘅歌，主人家自己唔介意就好啦！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】