易賞錢Fun分賞 逢周二四搶$35萬禮品

黛安一向係精明消費者，有着數當然要介紹畀大家，易賞錢即日起至9月30日，推出年度最大型推廣活動「年度No.1 Fun分賞」，除咗屈臣氏集團旗下嘅百佳、屈臣氏和豐澤有一系列低至42折嘅購物優惠外，仲為會員精選5大勁賞活動，等大家買住賞！

第一賞就係「1分FUN分搶」，會員喺推廣期內每個星期二、四下午12時正，登入易賞錢App，就可以1分易賞錢積分，免費搶超過35萬元禮品優惠，每個時段名額有限，先到先得㗎，VIP會員仲可以提前30分鐘率先搶購㖭。聽日（14日）同星期四必搶嘅，就係Häagen-Dazs單球雪糕電子禮券，同埋MCL戲院2D電影電子禮券。

至於第二賞，就係會員連續3個星期六去TASTE、屈臣氏和豐澤指定分店，消費滿180元即可以玩遊戲贏總值高達25萬元禮物，包括TRU NIAGEN樂加欣60粒x12瓶、DYSON V7 Fluffy Plus直立式吸塵機等。公關姊妹話，VIP會員仲有機會享全單免找數，千祈咪錯過啊。其他勁賞詳情可【按此】瀏覽。