甘比罕有帶4歲細女劉秀兒做慈善 同家姐兩個樣似足爸爸劉鑾雄

劉鑾雄太太、華人置業集團行政總裁甘比陳凱韻一直都為抗疫出力，除咗同老公囡囡身體力行接種疫苗外，仲舉辦《疫苗接種大抽獎》鼓勵更多人打針。而今日已經抽出所有幸運兒，仲送出咗傳說中價值港幣1,080萬嘅凱滙單位。另外甘比更宣布「加碼」，佢嘅華人置業集團同信和集團以及旗下黃廷方慈善基金，已落實九月底如接種疫苗達至500萬人數，會再終極送出多一個價值港幣1,200萬的凱滙單位。

{{hket:inline-image name="252aeb97ff7c2b5de6f9f86632422ac2.jpg"}}{{/hket:inline-image}}

甘比喺其他慈善工作同樣不遺餘力，現正以「劉鑾雄慈善基金」之名聯同協康會、皇室堡以及心象創作室舉辦「童」一個笑臉慈善月曆作品徵集比賽，幫助更多有經濟困難之有特殊需要兒童及青年，及早接受治療和訓練。由即日起至2021年9月22日期間，以「SEN（特殊教育需要）小朋友的快樂笑臉」為主題，邀請3至10歲兒童及家長以親子形式進行創作，自由繪畫出他們心目中SEN兒童的快樂笑臉，獲選出的11份作品將印製成協康會2022年慈善月曆作公開義賣，所有收益將撥捐「協康會兒童及青年訓練基金」，以幫助更多有經濟困難之有特殊需要兒童及青年，及早接受治療和訓練。

甘比為支持活動更帶同3歲細女秀兒參與，母女合力創作笑臉畫作，呼籲家長和子女踴躍參加比賽，實行推動共融社會。罕有曝光嘅秀兒越大越靚女，可愛地擺出扮花嘅pose，秀兒同12歲嘅家姐秀樺完全唔似樣，秀樺偏向似媽咪甘比，而秀兒就似足爸爸劉鑾雄。

同場加映：【娛樂直擊】陳凱琳帶埋龍鳳胎細佬孖住搵錢 大讚Derek幽默啱做幕前

{{hket:ul-video id="4062"}}{{/hket:ul-video}}