家長注意｜用力拉小朋友前臂致「扯肘症」鬆骹 6歲以下高危醫生警告3大危險行為

家長與小朋友難免會有意見不合、繼而拉扯的情況，惟需小心會令小朋友「鬆骹」。有急症科專科醫生在網上分享，稱最近有很多家長帶小朋友前來求醫，並指小朋友的手臂突然「跛了」，於言談間透露曾有拉扯手臂的情況發生。他表示，若小朋友沒有跌傷、撞傷、斷骨等症狀，而又曾伸直手臂被人拉扯，一般都屬於「扯肘症」（Pulled Elbow），以6歲或以下小朋友較常見。他提醒有3種情況較高危，家長應盡量避免有關行為。

急症科專科醫生「長頸鹿醫生」周一（6日）在Facebook專頁發文，稱早前臨近暑假完結，見到很多家長帶子女衝入急症室求診，表示「醫生醫生，我個仔隻手跛咗喇，無喇無喇」，而小朋友則一臉無辜地站在身旁，其中一隻手垂下無法活動。

長頸鹿醫生稱，若收症時見到這種情況，一般都會詢問小朋友曾否跌倒、撞到硬物等，惟家長的答案通常以「沒有」居多，並回答指「頭先秤（掅）阿仔起身之後就咁樣喇」、「頭先阿仔想衝出馬路，我就一手扯佢返嚟就咁囉」、「頭先同啲同學仔玩玩吓跟住就咁囉」等等。

6歲或以下小朋友常見

他指出，若醫生發現小朋友的病歷上沒有撞到硬物、不像斷骨，又曾伸直手臂被人拉扯，一般而言都屬於「扯肘症」（Pulled Elbow），又名「鬆骹」（Subluxation），與「甩骹」（Dislocation）不同，後者比較嚴重。

他解釋，「扯肘症」常見於6歲或以下小朋友，由於他們的手肘關節軟組織未發育穩健，以致前臂橈骨（Radius）與手肘關節交接位有「虛位」，若小朋友伸直手臂後被人用力牽扯前臂，橈骨會向手掌方向移位，

「哪怕只係幾mm（毫米）都好，只要嚿骨頭唔喺佢平時正常嘅位置，小朋友就會覺得好怪或者痛，跟著就會垂低隻手唔肯郁，家長就以為小朋友隻手斷咗喇。」

他續指，通常此情況都不用照X光，醫生可以即場用專業手法復位，「啪返啲骨入正常位置」，成功後小朋友幾乎能即時恢復活動能力，故此家長毋須過於憂慮，

「若果Pulled Elbow嘅診斷正確，一般都會啪到的。」

「扯肘症」3大高危情況 

然而，長頸鹿醫生提醒家長盡量不要拉扯子女的前臂，尤其是以下3種情況，若小朋友長期鬆骹，將來病痛機會都較多，

「鬆一次半次，通常都無乜嘢嘅。不過難保試多幾次，有時驚小朋友大個咗長期鬆骹，或者成日風濕關節痛就唔好啦。」

（↓點擊圖片放大↓）

文章內容獲「問問Dr Friend - 長頸鹿醫生」授權轉載。

同場加映：

Sick問識答｜中醫拆解進食寒性食物強行「催經」後果

{{hket:ul-video id="3953"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：賴天兒