荷里活廣場「中秋‧有禮」 會員可低至1折換禮品

黛安聽公關姊妹講，荷里活廣場今個星期五（10日）起至22日，將推出「中秋‧有禮1折快閃禮遇」期間限定換領活動，VIC會員可憑低至1折積分，只要即場捐款$20，即可換領一系列應節禮品，捐款會全數撥捐香港公益金，購物同時可以做善事，一舉兩得！

精選禮品包括以4折積分換領聘珍樓片皮鴨龍躉6人套餐（價值$1,700），亦有送禮自用都啱嘅尚品尊貴珍嘗禮盒（價值$1,280），而家只需要以3折積分換領。會員又可以選擇以5折積分換領皇玥經典流心雙輝月餅（價值$398）、奇華餅家迷你蛋黃奶皇月餅禮盒（價值$235），或者以4折積分換領工夫茶舍八星報喜茶葉一罐，數量有限，換完即止。

Shopping完仲有「嘗美食‧賞好戲」優惠，由即日起至11月30日，憑指定食肆消費滿$30嘅即日單一機印發票，喺百老匯荷里活戲院買2D或3D正價戲票1張，可減免$20，仲可以獲得戲院內風月堂洋果子Bar $5美食優惠券1張。