威哥會館︳袁潔瑩當年街頭怒啤成入行關鍵 黃百鳴慨嘆傅明憲父母名氣太強

1980年代要數經典，電影《開心鬼》系列令不人留下深刻回憶，成功發掘李麗珍、羅美薇、羅明珠及袁潔瑩等等影壇新血。日前YouTube頻道《威哥會館》便邀請到電影公司老闆黃百鳴及袁潔瑩（Fennie）話當年，分享在新藝城年代拍「開心鬼」的往事。

{{hket:inline-image name="01.jpg"}}{{/hket:inline-image}}

黃百鳴和袁潔瑩接受網上節目訪問，分享當年拍戲趣事。（YouTube截圖）

{{hket:inline-image name="27.jpg"}}{{/hket:inline-image}}

袁潔瑩外表夠cool，性格爽朗。（圖：東星娛樂）

袁潔瑩曾患人群恐懼症情緒不穩 消瘦惹厭食疑雲：唔想出街見人 【下一頁】

Fennie以未滿16歲之齡加入新藝城，1985年拍攝電影《開心鬼》的續集《開心鬼放暑假》而入行，黃百鳴形容搵到Fannie感覺好神奇，「當時要4個女仔，已經有有羅美薇、陳加玲、傅明憲，唯獨『卑鄙會會長戴卓儀』仲未有人選，因為角色要靚又要cool。」他和導演高志森去蘭桂坊「搵女」不果，駕車離開時，就給他見到Fennie，「我望到有個女仔喺街到同男仔鬧緊交，佢好cool仲『啤住』個男仔，呢個正正係我想搵嘅戴卓儀！」就是這樣Fennie成為《開心鬼放暑假》女主角之一，亦是她第一齣電影，黃百鳴笑言：「Fennie係我喺街度執佢入行囉！」

當時幾個女仔年紀尚小，黃百鳴坦言對她們亦較嚴厲，曾有工作人員向他「報寸」指有人去Disco跳舞，他說：「我心諗跳舞？聽日開早班仲去跳舞？我即刻坐車去睇，畀我見到Fennie喺舞池跳緊舞，我即刻捉走佢，叫人車佢返屋企！」 Fennie回想舊事亦笑言：「我約咗大傻哥（成奎安）去玩，有宣傳部同事喺度嘅！」到1986年袁潔瑩和張曼玉合拍《開心鬼撞鬼》，黃百鳴爆料說：「我哋有次食飯，曼玉拎咗包煙出嚟，同Fennie講『你生日啦，就係佢（黃百鳴）面前食煙啦』，但Fennie始終於唔夠膽！」Fennie隨即表示︰「咁我好尊重你，寧畀你知，莫畀你見嘛！」

活躍於1980年代至1990年代歌影藝壇的女子團體「開心少女組」，是香港年輕人的青春偶像。成員組合亦分為幾個階段，《開心鬼》由李麗珍、羅明珠和林姍姍掛帥，續集《開心鬼放暑假》則有袁潔瑩、羅美薇、陳加玲和傅明憲。講到當時未有重點放在傅明憲身上，原來有段故，黃百鳴說：「因為佢父母喺演藝界好有名氣，爸爸係傅奇，媽媽係石慧，嗰時叫左派，內地又未開放，賣片市場台灣係第二大，如果知道有個咁大嘅人物喺套戲入面，可能對我哋放映產生好大問題；其實初時我唔知傅明憲咁大來頭，戲已經拍咗，惟有唔畀佢太高調啦！」

同樣因為拍《開心鬼放暑假》而令黃百鳴注意到的還有黎姿（現名：黎珈而），黃百鳴指說︰「當時有個外籍攝影師大讚有個『女同學』表現唔錯……笑又笑得好燦爛，喊又喊得好逼真，佢就係黎姿嘞！後來我簽咗佢，1986年拍《飛躍羚羊》。」

撰文：衛紫敏

同場加映：劍擊童星│吳諾弘興奮出活動感激獲平反高度 與女神林明禎互動唔怕女友呷醋

{{hket:ul-video id="3990"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

學霸港姐︳大熱王嘉慧關楓馨擁有碩士學位 獸醫梁菁琳雙重一級榮譽畢業 【下一頁】