支持殘奧運動員 AIA明起送摩天輪門票

今屆東京奧運香港運動員拎到歷來最多嘅6面獎牌，黛安身為香港人都覺得與有榮焉。東京殘奧會今日開幕，大家當然要繼續支持啦！公關姊妹話，AIA會推出新一輪贈送「香港摩天輪」門票活動，並設置大型屏幕畀市民向港隊代表留言打氣！

即日起至下月5日，AIA會贈送「香港摩天輪」即日門票畀親身到訪摩天輪嘅人，開放時間可在網站hkow.hk查閱。另外，只要喺本月26日或之前，私訊友邦香港嘅Facebook或Instagram專頁，為運動員打氣嘅內容，就有機會喺8月31日起於屏幕展示。大家記得支持今次出戰嘅24位代表，當中唔少都有機會攞獎牌㗎，好似第5度出戰殘奧嘅輪椅女劍神余翠怡；而陳浩源就會出戰新增嘅輪椅羽毛球項目，希望佢哋都可以「穿金戴銀」返香港啦！