可樂迷留意 可口可樂推香港街景模型

繼可口可樂6月推出「限量版打氣系列包裝」和「有樂同賞」抽獎活動後，黛安聽公關姊妹講，「飲樂起勁」來到第3階段，會喺聽日起分階段推出以香港景物同建築做主題嘅特色街景模型，咁有收藏價值，可樂迷一定要換購啊！

今次嘅街景模型，一套有4款，包括茶餐廳、大牌檔、雜貨店同住宅加「可口可樂」貨車，可以將積木拼砌做一條街，真係好精美。

姊妹話，香港太古可口可樂去年同7-Eleven合作，打造7-Eleven x「可口可樂」概念店，今年嘅概念店會換上新裝，以「可口可樂」標誌性紅色同香港地道景色及街道打造而成，除咗以「飲樂起勁」打氣系列做店內裝飾，同增設互動遊戲之外，仲有搶眼嘅「可口可樂」樽造型霓虹燈櫃同3D打卡牆，而「可口可樂」茶餐廳模型，會率先喺聽日起至下星期二（17日），於7-Eleven x「可口可樂」概念店推出㖭。

想集齊一套，只要購滿指定金額，就可以喺便利店、油站同網上購物平台換領，詳情請留意活動【網頁】。