屈臣氏奪金口罩 部分收益捐精英運動員慈善基金

東奧掀起全城熱潮，黛安都有同運動員加油！聽公關姊妹講，屈臣氏集團即日起會推出WatsMask奪金特別版口罩，每盒售$119.9元，限量2020盒。全新嘅WatsMask奪金特別版口罩，每盒30個，兩款設計特別以「劍神」張家朗奪金嘅劍擊項目，同埋港隊運動員參與嘅奧運項目，包括游泳、羽毛球、單車、乒乓球做圖案，非常有紀念價值。

公關姊妹話，今次特別版口罩係用作慈善義賣，屈臣氏會向精英運動員慈善基金捐出$30，支持喺中小學推廣多元化體育項目，希望可以培養更多未來體壇新星。咁有意義大家都要多多支持呀！