苦惱「周華健混血仔」之名搣唔甩 周厚安被星二代光環影響人際關係

周華健與美國籍老婆康粹蘭結婚多年，育有一對寶貝兒女，其中混血仔周厚安畢業於紐奧良洛約拉大學戲劇系，亦繼承父親衣缽加入娛樂圈。高大又俊俏嘅外形、再加上係周華健阿仔，一加入娛圈已經好有Noise，亦好快有唔少戲劇邀約。不過估唔到星二代身分都係雙面刃，原來佢都為呢個光環而感到困擾。

{{hket:inline-image name="bkn-20191119041721547-1119_00862_001_02b_600.jpg"}}{{/hket:inline-image}}

周厚安2014年喺台灣拍劇出道，混血外貌令觀眾印象深刻，後來先被發現父親係歌王周華健。最近兩父子一起上訪談節目《念念青春》，主持人張艾嘉好奇下問周厚安如何看待自己係星二代，仲透露自己嘅小朋友都唔想其他人知道張艾嘉就係佢媽媽。

周厚安坦承星二代光環對佢造成唔少困擾，又大方地喺父親面前講出原因。佢認為星二代的身分對佢嘅人際關係確實有影響，陌生人只要一知道自己係周華健嘅兒子，就會莫名對佢產生好感，突然縮短咗人際距離，但呢啲都並非靠自身努力而來，：「不是你自己的互動，不是因為你的個性、故事、經驗，而達成的一個友誼，是因為上面，或後面的人……」不過佢坦言無法改變：「可是這個就是一出生就有的！」周華健聽到之後都只可以點頭，睇落都有啲為阿仔呢個處境感到無奈。

同場加映：  Jer@MIRROR推出人生第一張慈善碟 歌迷呻斷貨望再加印

{{hket:ul-video id="3816"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】