City Super集團25周年 頭炮推「致謝農匠」

黛安間中會行下City'Super買日用品。最近City Super為慶祝集團25周年，以「匠人精神」為主題推出一系列活動，打頭炮嘅係即日起至11日，喺時代廣場、海港城、新城市廣場及IFC商場店舉行嘅「致謝農匠」活動。

今次佢哋會同6間農企合作宣揚「深耕土地」概念，期間會推出多款本地種植嘅精選產品，好似本地沖繩苦瓜同本地水耕食用花。至於第二、第三階段，就會到今個月12日同下個月24日開始，分別以「交織本地創意與手藝」同「體現傳承、延續傳統食藝」為主題。

為紀念25周年，集團仲會推出唔少限量產品，好似有獨家白桃芝士蛋糕同愛爾蘭奶蓋冰滴咖啡，今個月仲有經特別種植法培育嘅「文字蜜瓜」，咁多得意產品真係唔好錯過！