DO姐「男寵」︱王嘉爾被指抽「兄弟」張家朗水 劍擊「叛徒」做明星成就大不同

港隊劍擊代表張家朗喺周一（26日）舉辦嘅東京奧運男子花劍項目中贏得金牌，亦係繼1996年「風之后」李麗珊喺亞特蘭大奧運贏得滑浪風帆金牌後，再度有運動員為香港奪金；前港隊花劍代表兼前韓團GOT7嘅香港成員Jackson（王嘉爾）都有喺微博出post恭喜對方，不過有網民就認為王嘉爾抽水兼「黐金糠」！

{{hket:inline-image name="bkn-20210729160303504-0729_00862_001_05p.jpg"}}{{/hket:inline-image}}

王嘉爾喺微博發文祝賀：「為你而驕傲，兄弟！真的值得紀念的一天！看了總決賽，恭喜你！現在在回家，回去以後再看幾遍！」一班網民認為張家朗唔係成日玩微博唔會見到帖文，更指二人加入劍擊隊時間唔同；加上張家朗主攻花劍項目，而王嘉爾係玩佩劍，點可能熟到稱兄道弟？「甚至未必認識對方啦！」所以唔少人都覺得佢係「認親認戚」。

王嘉爾嘅父親王銳基，有「亞洲第一劍」之稱，更係前港隊總教練，媽媽周平係中國隊體操運動員。王嘉爾10歲開始接觸劍擊，12歲就奪得全運會金牌，佢17歲萌生明星夢，第一次向父親坦承想赴韓追夢時，父親同佢打賭「如果你能在亞洲拿到金牌就讓你去」，結果王嘉爾喺2個月後嘅亞洲青少年錦標賽，拎到個人同團體雙金牌！

王爸爸雖然心痛，最後都係答應阿仔要求。王嘉爾之後到韓國JYP公司訓練，放棄劍擊，同時犧牲2012年征戰倫敦奧運嘅機會。

王嘉爾雖然成功進入JYP娛樂，不過去到韓國第3日就已經受挫，同其他練習生嘅能力相比下，開始懷疑自己嘅能力。後來佢領悟到要比其他人更刻苦，將自己嘅實力提高，先可以追上其他人，他說︰「我到那邊（南韓）以後，我的信心、自信、自尊，突然都像是被人打碎一樣，因為一切從零開始。」最後經過2年多訓練時間，2014年以GOT7為名的團體出道，夢想成真。而家嘅佢喺內地人氣高企，另一邊，前隊友張家朗喺奧運中贏得金牌，大家都喺各自嘅範疇闖出一片天，令人非常感動呀！