豐澤IT數碼電玩節 連推9周優惠 逾200產品48折發售

$5,000消費券就快到手，係時候諗定點樣用喇！黛安聽講，豐澤即日起至9月19日會推出「IT數碼電玩節」，超過200款精選科技數碼產品以低至48折發售，另外仲有多項優惠如網店品牌「輪住減」、舊電腦換新機等，絕對係掃貨嘅好時機。

特價產品包括桌上同手提電腦、顯示屏以至電競椅等，「易賞錢」會員最低可享48折優惠，如TP-LINK嘅Wi-Fi 6路由器就由$1,368減至$648；Microsoft Surface Pro 7 12.3吋二合一平板電腦，亦由$12,988減至$9,688等，真係好抵啊。

另外，豐澤仲會推出「門市限定Roadshow」，9星期內喺指定門市買指定型號電腦，最高可減$3,900。如果想換電腦，就要把握佢哋嘅Trade-in優惠，有機會以高達$8,800回收價賣舊機、換新機，舊機會交畀明愛改造，再送畀基層家庭，環保之餘又幫到人。

同時豐澤網店由即日起至9月14日，亦會推出「品牌勁賞周」，足不出戶都可以享受到優惠。詳情可留意豐澤fb或推廣專頁。