城巴小車長體驗親子遊 一大一細收$430

暑假親子遊有新玩意，黛安收到風，城巴旅遊喺7、8月內將舉辦期間限定「巴士小車長體驗」。今次活動對象係4至10歲小朋友，而「一大一細」2人收費合共$430，名額有限，即日起可以報名喇。

公關姊妹話，今次親子遊行程約2小時，參加者首先可乘搭開篷巴士暢遊港島，順道認識香港綠色景點。行程由杏花邨出發，經東區走廊前往太古、鰂魚涌公園、北角，然後駛回起點。

此外，小朋友仲可以到巴士車廠朝聖，兼且可穿着巴士小車長制服，登上車長駕駛艙拍照留念；小朋友仲可以親身感受巴士洗車過程、聽巴士車長分享日常工作，以及參與巴士展覽及摺紙巴士DIY工作坊。

行程完結時，小朋友可獲頒「巴士小車長」證書，加上同場有多款精美巴士紀念品發售，一定超滿足！