孖囡囡開直播｜陳柏宇1,500呎大屋內貌曝光 特大衣帽間落地玻璃俯瞰開揚景觀

陳柏宇（Jason）一家三口早前搬到何文田新屋，日前Jason同囡囡Abigail開直播，更公開了新屋內貌。有指Jason的新屋近1,500呎，月租要約6至7萬！從直播片段中可見，Jason屋企好大就不在話下，有個大廳之餘仲有個超大衣帽間！

{{hket:inline-image name="jason2.png"}}{{/hket:inline-image}}

Jason在直播中表示而家間屋比之前嗰間大咗幾百呎，但租金更平，囡囡初頭仲以為去咗Staycation添！大廳有落地大玻璃，景觀開揚；飯枱對出有個露台。鏡頭一轉就見到Abigail間房，有雙層床同佢嘅玩樂小空間，仲設有私人廁所，不過Jason就話囡囡間房比起以前細咗。

{{hket:inline-image name="jason4.png"}}{{/hket:inline-image}}

之後Jason又隔空帶大家參觀佢個客廁、雜物房、晾衫房同工人房，不過因為老婆仲瞓緊覺，所以就睇唔到主人房。行到屋嘅盡頭有間好大嘅房，原來係衣帽間！Jason話入面有3個大衣櫃，仲有梳妝枱同廁所。屋企有成4個廁所，真係咩時候都唔使爭廁所用！

雖然屋企好大，但Jason對新屋都有少少不滿，就係Wifi不夠強，事關屋內有一半地方都收唔到訊號，佢仲係直播入面向各位網民請教。

陳柏宇太太符曉薇鬧爆老公嗌離家出走 兩人即開直播解畫已和好如初【下一頁】

同場加映：黎明尾場邀天王做嘉賓 溫馨提示：星期一繼續返工

{{hket:ul-video id="3627"}}{{/hket:ul-video}}

Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】