陳柏宇原則行先堅拒「夾新聞」小肥記錯姜濤拎新人獎「示愛」補飛

音樂人黃丹儀、KB主持的網上節目《Music Panda》，第三集請來小肥及陳柏宇（Jason）合作jam歌，兩人一開口就唱《似水流年》，KB取笑他們是2021年最欷歔歌手演唱會。

小肥、Jason異口同聲表示，自己2007年入行時跟現在的歌手相比，應該不算最窮。小肥笑言，最欷歔是唱片公司要求他同記者「夾新聞」博見報，曾經夾過Kary（吳雨霏）、Theresa（傅穎）「傳緋聞」，「夾過同Theresa去買衫，哈哈！欷歔位唔係夾影相，而係夾咗都冇人信！」而Jason就話當年非常硬頸，公司有叫過他「製作」一些新聞增人氣，不過他不認同造假，始終不肯答應。

{{hket:inline-image name="DSC08868.JPG"}}{{/hket:inline-image}}

兩人於節目中，小肥選唱了姜濤的《蒙著嘴說愛你》 ，他直言睇曬成個比賽，當時已經覺得這個小朋友很努力，不明白為甚麼有人質疑他拿《叱咤樂壇流行榜頒獎典禮》「新人獎」，Jason即時大笑道︰「人哋攞嗰個係『我最喜愛的男歌手』呀！」小肥在自己IG上tag名表示欣賞姜濤，並且寫上LOVE YOU 姜B，姜濤也有即時回應。有歌迷發現小肥太過投入而唱錯歌詞，將「So I say I love you 花半秒唇齒功夫」唱成「花半秒持久功夫」，笑指「半秒有幾持久？」、「原來小肥得半秒」；亦有歌迷指小肥唱得好好聽，「本身都對《蒙著嘴說愛你》冇乜嘢興趣，但小肥唱完就即刻愛上」！

（點擊圖片放大）

此外，小肥、Jason又合唱了蕭唯展（Oscar）的歌曲《大男人》，小肥謂他們2007年入行的一班歌手，有個「07同學會」經常聚會，但Oscar並不是07年就同江伊晴眉來眼去，兩人其實係3，4年前先撻著；兩人曾私下約小肥出來吃晚飯，埋單後突然在他面前嘴咀多次，小肥話︰「我直頭呆曬，冇諗過佢哋用咁方式話我知交往中！不過就叫我唔好話比人知囉！而家結埋婚，唔怕講番出嚟。Oscar話好想保護江伊晴，佢係容易受傷嘅小白兔，由大男人變咗一個好老公啦！」