誠哥加碼$2000萬 資助膝關節置換

李嘉誠基金會今年1月起推出$2,000萬寶血醫院（明愛）「全膝關節置換手術」資助計劃，黛安知道，甫推出已經有好多人報名，半年內已幫助200幾個患者完成手術，所以誠哥決定加碼$2,000萬，再多260名患者可以受惠。

噚日基金會喺fb上載誠哥前日睇歐國杯新聞嘅相，話原來誠哥見球員腳力凌厲，就令佢聯想到資助計劃要加快進行，催促團隊盡快公布加碼至$4,000萬資助嘅細節，黛安真係覺得誠哥睇波不忘行善好有心。誠哥仲話︰「吾膝如鈦，膝患者能『走』無痛的一步，感激不盡！」