陳浩民結婚十周年曬溫馨全家福 蔣麗莎P圖重手全家一樣睇見心寒

現年51歲的陳浩民與內地模特兒蔣麗莎於2011年結婚，現育有三個女兒和一個兒子，周不時都在社交網站分享一家六口的溫馨時刻。兩人不經不覺已經結婚十年，夫妻二人呢十年得來不易，當中經歷過唔少風波。2011年陳浩民、馬德鐘同陳嘉桓一行人於大陸橫店拍戲，食宵夜時在酒後對陳嘉桓強吻臉頰、甚至上下其手；消息曝光後，陳嘉桓報警。陳浩民當時同即將臨盆嘅孕妻蔣麗莎召開記者會鄭重道歉，最後夫妻倆更同聲痛哭。

{{hket:inline-image name="497f11e6ly1gqclmrgn3ej21o02yo1ky.jpg"}}{{/hket:inline-image}}

事過境遷，夫妻二人多年來都感情要好，蔣麗莎更先後為老公誕下四名子女。日前佢哋結婚十周年，蔣麗莎於微博發文感謝老公一直以來的陪伴：「十年風雨，患難與共！結婚10周年快樂」，更上載一張全家福；卻引來不少留言質疑佢P圖太重手，全家嘅眼睛大到好唔自然，引起網民熱烈討論。

蔣麗莎上載一張一家六口的全家福，見佢哋坐喺闊落嘅客廳合影，阿仔同陳浩民着牛仔服飾，而三個女兒就齊齊着住公主裙，跟媽媽擺出淑女甫士。不過，網民話睇到呢張相覺得有啲心寒，認為蔣麗莎P圖P得太誇張，相入面全部人嘅眼睛都好空洞同唔自然；當中陳浩民最為「嚴重」，P完圖之後嘅佢變到同太太一樣樣：「眼睛P得都失真了」、「一家人共用一張臉」、「每個人的臉都是一樣的」、「一家人都很像copy&paste」，亦有人認為小朋友唔使P圖，覺得好詭異。

同場加映： 刑偵日記│王敏奕與曾志偉是家人不能分割 努力做好本份：最重要對得住自己

{{hket:ul-video id="3524"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】