肥媽自爆屋企差啲火燭開唔到直播 最後化險為夷：覺得老公有保佑我

肥媽（Maria Cordero）每周都會拍攝網上煮食節目，不過在日前一集佢自爆屋企fuse著火差啲做唔到live，又指屋企嘅外傭姐姐幫唔到手，「個火已燒融電線，遲一分鐘都唔得……」

{{hket:inline-image name="maria2.png"}}{{/hket:inline-image}}

佢喺直播中憶述事發經過，「晏晝fuse著火，然後佢哋（外傭姐姐）大聲嗌我。咁我瞓緊晏覺，佢哋問『點呀？』我咪衝落嚟閂咗個總掣！個電掣著火佢哋仲問我點喎……」幸好最後無釀成火災。肥媽又指當時情況危急，「遲一分鐘都唔得，fuse開始有火花，燒融咗電線、熏黑咗個電掣！」

肥媽又話開得成live要多謝中電，「同佢講好緊急，佢即刻派人嚟！我本身執定嘢去人哋嗰度煮，因為一定唔可以取消，有好多人等緊（睇）。做人要有交帶，我一定會煮到，唔可以令觀眾失望！」

{{hket:inline-image name="maria4.png"}}{{/hket:inline-image}}

直播中工作人員又爆其實肥媽開live遇過不少緊急情況，例如曾經被老鼠咬爛條電線同整爛盞燈，不過最後通通化險為夷。肥媽指多得老公保佑，職員先可以及時維修好，準時開live，「覺得我老公有保佑我……真係無可能㗎喎，中電嗰個人都話，因為打電話（求救）嘅時候啲人（職員）咁啱係附近……喺山腳附近做緊嘢？」

有粉絲就叫佢準備定滅火筒放喺屋企同教定屋企人點樣用，以防萬一，肥媽表示：「我有滅火筒㗎！但呢一班（外傭姐姐）走嚟搵我，唔係去搵滅火筒！我諗佢哋係驚，要我咁嘅年紀嘅人先知點做！」

靈異事件？︳肥媽直播指亡夫Rick常在身邊 「老公好百厭開冷氣整蠱我！」 【下一頁】

同場加映：【娛樂直擊】姜濤阿Jer勸粉絲夫妻和睦 花姐出口為老公們發聲

{{hket:ul-video id="3464"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】