靈異事件？︳肥媽直播指亡夫Rick常在身邊 「老公好百厭開冷氣整蠱我！」

現年67歲的肥媽(Maria Cordero)去年開設網上影片頻道，成為銀髮族YouTuber，日前肥媽直播和網民傾心事，她感激身邊的朋友夠窩心，擔心她因老公Rick過身而心情受影響，好友們如黃淑儀、吳麗珠都相約她見面，但受疫情影響為配合二人限聚令，只好逐一見面，「佢哋怕我困喺屋企，想約我食飯，問候下，其實我喺屋企好忙，我租咗塊田，要種菜、要耕田，仲要放7隻狗，自己係好享受。」肥媽喜歡和網民傾偈，能解答到網民問題，覺得自己好有用，可能是這個原因，老公臨離世前要她答應一定要繼續做，「老公怕過身後，驚我唔開心，要我一定要拍Facebook、拍YouTube，等我有寄託。」

{{hket:inline-image name="16.jpg"}}{{/hket:inline-image}}

肥媽答應亡夫要繼續做YouTuber拍片，分享廚藝。（圖片：肥媽FB)

{{hket:inline-image name="03.jpg"}}{{/hket:inline-image}}

肥媽日前做直播時，表示亡夫Rick仍然留喺佢身邊照顧佢。(圖片：網上截圖)

肥媽和老公Rick恩愛21年，Rick去年11月離世，但肥媽竟對網民說感覺老公仍在身邊，「我唔係導人迷信，因為Rick性格好百厭，早幾日先整蠱我，咁凍天氣同我開咗部冷氣，咁我就落樓斟熱水飲，見到我大仔，佢話『媽咪你唔好賣Rick部相機，佢好鍾意部相機架！』我就即時諗到，唔怪得佢開冷氣啦，原來唔想我賣，後來先知佢最錫嘅孫女學緊影相，部相機就畀孫女用。」肥媽指靈異事件不止一次，「我真係覺得佢喺我身邊，我太了解我老公，有時我屋企搵唔到嘢就大聲嗌老公～老公～我啲仔都話我黐線，但轉頭我就搵到，有次我哋好熟嘅保險顧問喺我屋企，佢部手機唔知放咗喺邊，搵好耐都搵唔到，佢都學我大嗌『Rick唔好玩啦！』，之後發現部手機喺張紙下面遮住咗，連我啲朋友都跟我同我老公咁講嘢。」她分享夫妻之道，「夫妻鬧交，我會唔出聲，呢啲唔係忍，係唔答佢啫，咁鬧交鬧交，我唔出聲咪冇得鬧囉！相嗌唔好口。」

【花盡600萬醫藥費】肥媽老公Rick不敵肺腺癌離世 半夜報死訊難捨摯愛：「天堂見」【下一頁】

（↓點擊圖片放大↓）

另外，肥媽稱近排最開心是她的契女助手做了媽媽，但她對於BB只飲人奶而不飲水的問題大感荒謬，「幾十歲都未聽過，BB唔飲水會結宮架，又排唔到毒，會生濕疹，話奶即係水，咁你哋又飲水，咁你飲奶茶咖啡都係水，係咪每日飲十杯奶茶？水真係要飲。」肥媽越講越勞氣，「我唔知點解醫生護士會咁講，有冇搞錯，水唔使飲？咁你慢慢食藥搽類固醇啦，得罪都咁話，我讀書少，但我生過六七個，我阿媽嗰七個，我阿婆嗰11個都係咁大，唔係叫你飲乜，係飲水啫。」至於肥媽近年受到腳痛困擾，醫生指她膝蓋失去軟組織，骨頭撞骨頭而痛，建議做人工膝關節置手術，她仍心大心細不想開刀，現透過行山，幫自己鍛煉四頭肌及大髀肌肉，希望軟組織能增生改善腳痛問題。

（↓點擊圖片放大↓）

撰文：衛紫敏

《雙祥見》︳黎耀祥拍戲幸遇吳孟達救出火海 阮兆祥火燒旺地阿叻靠燒傷走紅 【下一頁】