疫境廚神500道滋味│陸浩明帶埋女友陳詩欣殺入J2 拍拖8年情侶檔主持節目公然放閃

陸浩明（6號）近年「升呢」做金牌司儀，主持工作忙過不停，翡翠台的大騷如《香港小姐競選》、《萬千星輝賀台慶》、《2020勁歌金曲頒獎典禮》、《衝上雲霄大選》等等都有他份 ; J2台更是6號的天下，他有份主持的《#後生仔傾吓偈》成為長壽節目，一星期播足5日，而新飲食節目《疫境廚神500道滋味》更帶埋模特兒女友陳詩欣（Ayan）搭檔主持，實行公器私用，寓工作於拍拖！所以在節目中，兩人毫不顧忌瘋狂「放閃」！

【IG狂曬恩愛】陸浩明願畀10萬助女友赴法圓夢 相戀8年用5招將佢寵上天【下一頁】

{{hket:inline-image name="gf11.jpg"}}{{/hket:inline-image}}

昨晚播出第一集，兩位主持人主要工作是一齊睇片做旁白，中間間場傾偈都有瘋狂「放閃」！6號曾經形容Ayan是卡通聲，節目上的Ayan聲音有少少沙啞，似乎刻意壓低把聲。

Ayan在節目中為6號按摩膊頭放鬆，男方「回禮」想熊抱女友時，被Ayan「批踭」頂開，耍花槍非常搞笑。6號表示對節目非常期待，他們早前錄製時，男方在IG留言：「我哋第一個節目。佢好認真嘅時候...... 都好認真好迷人。今日努力拍攝中，我俾100分佢，好叻豬。」

（↓點擊圖片放大↓）

【我要做業主】陸浩明爆當初賣樓同陳豪有關？ 唔敢請教肥媽 落錯車後悔不已【下一頁】

Ayan今年27歲，一直當模特兒，兩人2011年在一次朋友聚會上認識，當時6號覺得Ayan長得又高又靚，聲線非常卡通而被吸引。6號雖然比女友年長14年，不過沒有隔膜，拍拖已達八年之久。Ayan由19歲開始已經情定對方，細水長流，感情穩定兼同居。疫情前，他們經常出埠去旅行，在IG經常Po相放閃。6號被形容為寵愛女友的代表，常常送女友送名牌手袋，他說自己辛苦工作，都係希望換來女友開心，認真Sweet Sweet！

41歲的6號常被催婚，特別是「契媽」肥媽都常在節目上公然勸他、鬧他早日拉埋天窗。連去年11月《萬千星輝賀台慶》大抽獎環節時，大家都戥佢緊張，希望他贏得大獎做老婆本，可以迎娶Ayan。未知是否女友還年輕的關係，加上他曾表示先買樓後娶老婆，6號暫時未有「行動」。

（↓點擊圖片放大↓）

責任編輯：楊安莉