Think Big｜方力申膽粗粗15歲自簽生死狀出賽 斯里蘭卡爆內戰：去就要自己負責

「飛魚王子」方力申加入娛樂圈前為香港游泳代表隊成員，是多項香港游泳紀錄的保持者，於2000年曾出戰悉尼奧運。小方日前擔任《Think Big天地》嘉賓，大談昔日比賽難忘事，透露15歲代表香港出戰斯里蘭卡，由於剛刷新香港紀錄，感覺狀態大勇，無懼當地爆發內戰，膽粗粗自簽生死狀出發，「當年只得4位運動員去比賽！」

{{hket:inline-image name="06211003.jpg"}}{{/hket:inline-image}}

{{hket:inline-image name="53109509_2333913986874965_3087318394752389411_n.jpg"}}{{/hket:inline-image}}

死因有可疑｜曾志偉新花名「153」成破案關鍵 主持人方力申親解網民三大質疑【下一頁】

小方說：「最難忘係15歲有一次比賽，因為我啱啱破完香港紀錄，第一次破完就有機會去亞太區分齡賽，當時喺斯里蘭卡舉行。比賽之前，突然話當地爆發內戰，話要取消比賽……我話唔好啦，我連續去咗呢個比賽3、4年，未試過攞金牌；我啱啱破完香港紀錄，狀態好好，好想參加！結果本身30幾個運動員，開會傾究竟去定唔去？我係第一個舉手話要去嘅，去嘅時候我要簽一張生死狀，即係話去嘅話，自己負責人生安全。我15歲就自己簽名，簽生死狀，最後得4個運動員去到斯里蘭卡……最後我好似攞到2面金牌？所以我細細個為咗游水，係好有決心！」

小方是何時對演戲感到興趣？「其實我一路對演戲無乜嘢興趣，我仲游緊水嗰陣，試過拍嘢做戲，純粹人哋叫我做就去試一下，就算拍青春劇，側邊有啲小演員傾偈話『之後入行簽邊間公司』，自己全部都冇諗，都係諗住返去游水、讀書。」

方力申2項游泳紀錄先後被破 嘲飛魚變游水仔 新目標係......【下一頁】

小方2019年環島泳，成為另一個創舉，「因為要長時間游水，規定期間唔可以掂任何浮嘅嘢，亦唔可以上水休息，所有食嘢、飲水都要喺水面進行，仲唔可以有嘢扶住……之前練習咗好長時間，用咗一年半時間去重整時間、去練水；因為年半之前，我十幾年冇游過水，我退役咗15年！環島泳係籌款，做善事，最後我哋籌到超過1000萬港幣，去幫助好多人改善生活，因為有咁嘅目標先驅使我再去練水。」

（↓點擊放大睇圖片↓）

此外，小方入行後與石修「撞樣」成為娛樂趣聞，最近二人再次合作，於《廉政狙擊》中飾演兩父子，他在IG分享拍攝現場的合照，並搞笑寫上：「父親節和戲中父親拍戲，我又做修哥個仔喇！Happy Father's Day！」石修親生兒子陳宇琛亦轉載了這張相，隔空回覆小方這位「兄弟」：「上晝你同佢慶祝，夜晚我同佢食飯。」

撰文：梁榮達

同場加映：愛回家│吳偉豪首次開腔親認拍不雅片 龔燁熊若水婚事會有阻滯？

{{hket:ul-video id="3296"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】