逆天奇案‧劇透｜張頴康太投入失驚無神喊出嚟 「有好多嘢原來帶咗番屋企」

無綫《逆天奇案》明晚（11日）星期五播出大結局，劇情講到「殺虎案」成功被警方偵破，並逐一交代了主謀魏子樂（張頴康飾）和太太尤麗（劉佩玥飾）的下場。當中尤麗於昨晚播出的第28集，跟魏子樂駕車逃亡期間發生意外，死前要求律師拍片承認一切罪行。傷心欲絕的魏子樂雖然成功脫罪，今晚（10日）第29集會講到他沉淪毒海，不斷產生幻覺，並再次請來僱傭兵狙殺森Sir（陳展鵬飾）等人，一眾主角陷入危機之中。不過主角當然唔會咁易出事，第30集大結局將見到魏子樂事敗失蹤，之後又用計騙森Sir和Wing姐（林夏薇飾）見面，Ana（馮盈盈飾）獲悉後即趕往營救，三人要面對生死抉擇。

{{hket:inline-image name="1024_78d5e5bb194f1340ad4fd7cb48227703.jpg"}}{{/hket:inline-image}}

{{hket:inline-image name="06101010.jpg"}}{{/hket:inline-image}}

一家五口│張頴康麥雅緻曬全家福宣布再添丁 小花生升呢做哥哥反應超搞笑【下一頁】

張頴康今次於《逆天奇案》中擔任Big Boss角色，可謂過足戲癮，昨晚睇住摰愛劉佩玥死的一幕，更是演技大爆發，喊到七情上面；之後在法庭上見到對方死前自首，務求令他脫罪，但他獨自留在世上已生無可戀，演繹愛人不能跟他同喜同憂的表情，演得相當之到位。

張頴康接受晴報訪問時表示，很喜歡演Big Boss類型的角色，今次對他也是很大的挑戰，「好少會寫到一個反派好似好正面，多數反派都好乞人憎，呢次出奇地睇到評論係話唔想我哋有唔好嘅下場；但係始終我哋曾經做過衰嘢，殺過人，我覺得結局應該有個正常收場先得……如果可以（判）社會服務令就咁過咗就幾好喇。（想角色再壞啲？）角色而家已呈現一種害人狀態，嚟緊我會轉咗另一個狀態。其實拍嗰幾場戲嘅時候，有兩個星期一諗起嗰種狀態，揸揸吓車都會喊咗出嚟。太太同我講，我拍呢套戲，返工好似好開心，冇咩嘢，但原來帶咗好多嘢返屋企。不過呢個角色而家多人睇、多人講、多人鍾意，都覺得當時拍攝時痛苦係值得！」

出賣老婆麥雅緻呆樣│張頴康開工前帶子女入樂園陪玩 兩個舉動令網友心心眼大讚暖男【下一頁】

至於如何演繹沉淪毒海場面，他說：「幸好拍呢類場面嗰時未戒煙，都係用吸煙嘅原理去做，當時有用電子煙去取代……好多年前喺港台拍過講吸毒嘅戲，好彩當時拍過呢套戲，同埋真正見識過癮君子係點樣，對拍攝時狀態係好有幫助。（會特登瞓少啲去拍？）冇呢個問題，不嬲（公司）都冇乜畀我哋瞓好多，完全唔關瞓覺問題。盡量去演個狀態，因為吸毒唔係一件好威嘅事，又牽涉好多複雜情緒。」

（↓點擊放大睇圖片↓）

提到網上已有不少劇透，有指他的角色被判終生監禁？張頴康大賣關子說：「我（角色）嘅下場呢……最尾結局會見到我係冇『Gel頭』！（若果拍續集會有份？）當然收視好都希望開續集，如果我（角色）萬一有咩意外，被人拉或死咗，麻煩寫另一個角色畀我，我可以演第二個！」

撰文：梁榮達

同場加映：朱健鈞回港客串《逆天奇案》 「個仔睇完信Daddy原來拍戲嘅」

{{hket:ul-video id="3137"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】