張頴康和麥雅緻這對模範夫妻，人前人後恩愛非常，結婚8年先後育有女兒張雅喬（小豆）和兒子張迅橋（小花生），一家四口幸福無比。康仔快滿39歲，一向是住家男，平時除了工作，幾乎每日都會接小朋友返學、放學，休息日就一定是「家庭日」帶仔女出去玩，就算收工都不時陪太太開live，跟觀眾在網上互動，絕對是廿四孝爸爸。
昨晚他在Facebook撰長文，表示自己成功戒煙100日，原來一切開始都是因為女兒小豆的一句說話。
【太太麥雅緻全力照顧】張頴康打3份工壓力爆煲致銀屑病 曾自卑不敢公開病情怕失工作【下一頁】
張頴康成功戒煙100日。(張頴康Facebook）
經常做司機接送子女返學、放學。(張頴康Facebook）
放假會帶小豆去做義工。(張頴康Facebook）
經常在網上分享兩父女可愛的互動。(張頴康Facebook）
「女兒奴」被小豆一句話激勵。(張頴康Facebook）
康仔憶述今年8月，小豆在他的背包找到電子煙煙彈，當時他解釋：「爸爸攞嚟relax嘅!」沒想到女兒回應：「我唔鍾意你吸煙呀！」他形容自己從來沒在子女面前抽過煙，沒想到女兒這一句說話猶如當頭棒喝，「呢句說話，就好似一支針插咗入我心咁樣！」於是他下定決心戒煙，將相關的電子煙用具交給太太，直至昨晚已「拒煙」100日。
康仔說，撰長文不是要呼籲大家戒煙，而是想分享電子煙對身體傷害之大，「戒煙嘅頭20日，我經常標冷汗，身體keep住低溫，開工嘅時候集中唔到精神……仲要係幾句對白都記唔到！以前戒食傳統煙仔嘅時候都冇呢個情況！咁點解我戒電子煙嗰陣會咁辛苦？即係話，一直以來我都唔知吸咗啲乜嘢化學嘢入去身體裡面，到冇咗嘅時候，身體就會出現咁嘅反應？我覺得好恐怖！」
【父親節快樂】張頴康童年不快渴望有完整家庭 感激太太麥雅緻引領正途【下一頁】
康仔一向愛錫太太和家人。(張頴康Facebook）
為了鼓勵老公決心戒掉壞習慣，麥雅緻想到一個方法，就是準備一本簿，每日由女兒小豆獎他一張貼紙作記錄，康仔向大家展示滿是貼紙的記錄簿，認真威威，「Bell Bell（愛犬）離開嗰一日，我心情低落到爭啲想食番，好彩我諗起呢本簿，所以最後都冇食到！電子煙唔係通街都買到，係有難度㗎！況且我經歷咗嗰20日標冷汗嘅狀態，諗諗吓都唔會再食！多謝小豆令我做番個盡責嘅爸爸！期待儲夠365張貼紙，再同大家分享！」
康仔最後搞笑稱，自己幾肯定小豆從來不知自己抽煙，深信一定是太太「爆響口」，不過他沒有責怪太太，反而覺得她用心良苦，最後加句：「老婆，錫晒你！」
小豆親自監督爸爸戒煙的情況。(張頴康Facebook）
阿康直言愛犬離世時一度想食煙，幸好想起貼紙簿，不想令女兒失望。(張頴康Facebook）
有太太全力支持，阿康一定可以貼滿一年的貼紙。(張頴康Facebook）
責任編輯：楊安莉