相識14周年｜張頴康感謝失意時麥雅緻給鼓勵 曾擔心囡囡被人「搶走」而流淚？

1月4日是張頴康與太太麥雅緻相識14周年紀念日，由於疫情關係，兩人只能在車廂裡簡單地吃個甜品，有個地方讓大家一起緬懷、回憶已經足夠。

張頴康於Facebook「放閃」，「我哋大家都覺得呢14年，由兩個單身嘅青年人，變成一對父母，轉變真係好大！真係要多謝當年嘅社交平台Friendster同MSN Messenger，幫我喺14年前嘅今日約咗呢個女仔出嚟睇戲！老婆，多謝你當日應約，而令到我哋有咁大嘅轉變！我愛你！」

{{hket:inline-image name="135448423_245770613586197_5826931364571312140_o.jpg"}}{{/hket:inline-image}}

張頴康與麥雅緻是圈中的模範夫妻，兩人在2012年結婚，育有大女小豆和兒子小花生，非常幸福。男方日前接受《Think Big天地》訪問，提到入行後在TVB曾經歷一段失意的日子：「當時經常做臨時演員，冇乜嘢發揮。」之後與麥雅緻拍拖後，對方鼓勵他「呢樣嘢唔係最重要，你成日咁負面諗呢件事，人哋會感受到你負能量，正能量出唔到嚟。」麥雅緻的說話啟發了他，「反而想讓人睇到我用心工作一面！」心態一轉後，機會便來了。

他又提到中學時曾學功夫，踏入社會工作後沒有刻意告訴別人，而功夫對演員這份工作亦有幫助，「有一次拍《與諜同謀》，個角色好打得，拍完一場打戲，監製落嚟問『你又話自己唔打得？』，我又唔係好出色，咁就唔想講啦！」

{{hket:inline-image name="1.png"}}{{/hket:inline-image}}

提及張頴康與兩個小朋友的相處，他指現在是「出事」的年紀，「疫情關係，大家都多咗留喺屋企，囡囡好鍾意玩角色扮演，屋企無王子衫，所以成屋都係公主衫。最初弟弟跟家姐一齊玩女仔遊戲，後期我有啲擔心，就買番多啲男仔玩嘅玩具畀佢。」更笑指囡囡用被子幫弟弟做了一條裙，「我話夠啦，畀細佬做番男仔……」指將來要考慮添置更多男裝以策安全。

（↓點擊圖片放大↓）

當小主持問到有否幻想女兒將來帶男朋友「見家長」時的情景，張頴康說：「我老婆佗住小豆時，有次喺餐廳食飯望住老婆個肚，諗起我哋結婚嗰晚，太太爸爸喊到豬頭咁，當時我都唔小心流咗一滴眼淚……希望囡囡唔好咁快拍拖，大個啲先有男友……」盡表不捨！

{{hket:inline-image name="123.png"}}{{/hket:inline-image}}